Польшча аднаўляе стыпендыяльную праграму імя Каліноўскага. Пра гэта ў сваім «Facebook'у» паведаміў дэпутат Роберт Тышкевіч.
Польскі дэпутат звярнуўся з адпаведнай прапановаю ў міністэрства адукацыі. Міністэрства пагадзілася аднавіць праграму. «Прыйшоў час зрабіць наступны крок — забяспечыць фінансаванне тэлеканалу «Белсат»», — напісаў у сацсетцы Тышкевіч.
Стыпендыяльная праграма імя Кастуся Каліноўскага паўстала пасля Плошчы ў 2006-м. Тады ўдзельнікаў пратэсту пачалі звальняць з працы і адлічваць з вучобы. Аляксандр Мілінкевіч звярнуўся да польскага ўраду з просьбай падтрымаць рэпрэсаваных студэнтаў. Польскі ўрад за адныя суткі распрацаваў і падпісаў праект дапамогі — Праграму Каліноўскага.
У 2017-м было некалькі выпадкаў, калі студэнтаў адлічылі з ВНУ за ўдзел у акцыях пратэсту, адзначае «Белсат».
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро14
Каментары