У Смаргоні высвятляюць абставіны атручэння двух чалавек, адзін з якіх памёр, паведаміў БЕЛТА афіцыйны прадстаўнік упраўлення Следчага камітэта па Гродзенскай вобласці Сяргей Шаршаневіч.
У ноч з 22 на 23 сакавіка ў вёсцы Арэхаўка Смаргонскага раёна ў 39-гадовага мясцовага жыхара рэзка пагоршыўся стан здароўя. Медработнику, які прыбыў па выкліку, мужчына паведаміў, што ўжываў з суседкай шклоабмывальнік. Мужчыну экстранна шпіталізавалі ў рэанімацыйнае аддзяленне бальніцы.
Следчыя, якія прыбылі на месца здарэння, супрацоўнікі міліцыі і эксперты выявілі ў суседнім доме цела 40-гадовай мясцовай жыхаркі без бачных цялесных пашкоджанняў.
Пры аглядзе яе дома канфіскаваная пластыкавая бутэлька з рэшткамі вадкасці, якая накіраваная для правядзення судова-хімічнай экспертызы. Для высвятлення абставінаў смерці жанчыны праводзіцца судова-медыцынская экспертыза. Следчыя высветлілі, што абедзьве асобы вялі асацыяльны лад жыцця, злоўжывалі спіртнымі напоямі. Мужчына нідзе не працаваў, неаднаразова прыцягваўся да адміністрацыйнай адказнасці, у тым ліку за з'яўленне ў стане алкагольнага ап'янення ў грамадскім месцы. Жанчына была аформленая сацыяльным работнікам па доглядзе за яго бацькам.
Праверка па дадзеным факце працягваецца.
З пачатку бягучага года ў Гродзенскай вобласці гэта другі факт смяротнага атручэння людзей. Першы адбыўся 1 лютага ў Гродне. У выніку ўжывання прынятага за спіртное метанолу двое мужчын памерлі, а жанчыне лекары здолелі выратаваць жыццё. Праверка па дадзеным факце яшчэ не завершаная.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары