Следчы камітэт расследуе справу «Маргарыткі-маргарыткі»
Упраўленнем Следчага камітэта па г. Мінску распачата крымінальная справа ў дачыненні да дзвюх мінчанак, якія падазраюцца ў стварэнні для здзяйснення ашуканскіх дзеянняў у сетцы Інтэрнэт груп у сацыяльных сетках пад назвай «Маргарыткі-маргарыткі».
Папярэдне высветлена, што маці і дачка, маючы намер на завалоданне маёмасці грамадзян шляхам падману, загадзя не маючы намеру выконваць узятыя на сябе абавязацельствы, стварылі ў пачатку 2015 года ў сацыяльных сетках «Аднакласнікі», а пазней і ва «Укантакце», групы, у якіх прапаноўвалася купіць розныя тавары па цане значна ніжэйшай за рынкавую. Для замовы неабходна было пералічыць поўны кошт пакупкі на адзін з разліковых рахункаў, падкантрольных падазраваным. Акрамя таго, у групах паведамлялася аб розных акцыях. Напрыклад, набываючы халадзільнік і пральную машыну, тэлевізар перадаваўся ў падарунак.
У большасці выпадкаў тавар да кліента не даходзіў. Так, у маі бягучага года адна з пацярпелых вырашыла набыць у падазраваных па акцыі пасудамыйную машыну, выцяжку, тэлефон «Apple IPhone» і два тэлевізары за 2,5 тысячы рублёў. Пасля пералічэння грошай на разліковы рахунак, пакупкі на яе адрас так і не паступілі. У некаторых выпадках, калі замова выконвалася, на адрас атрымальніка прыходзіў тавар па характарыстыках, якія саступаюць раней заяўленым.
У цяперашні час следчым вядомыя дзясяткі эпізодаў супрацьпраўнай дзейнасці з боку падазраваных. Комплекс мерапрыемстваў, накіраваных на вызначэнне дакладнай колькасці пацярпелых, а таксама сумы нанесенай ім шкоды, працягваецца.
Дзеянні жанчын кваліфікаваныя следствам па ч.4 арт.209 Крымінальнага кодэкса Рэспублікі Беларусь.
Расследаванне па крымінальнай справе працягваецца.
У мэтах ўсебаковага высвятлення ўсіх абставінаў таго, што адбылося, следства звяртаецца з просьбай да асоб, якія пацярпелі ад дзеянняў падазраваных, звярнуцца па тэлефонах: 8 (017) 369-26-42, 8 (017) 369-25-96, 8 (017) 398- 90-20.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы71
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары