Скакун з шастом з Японіі Хірокі Агіта выказаў здзіўленне пасля з'яўлення паведамленняў пра тое, што яго пеніс нібыта перашкодзіў яму прайсці ў фінальную частку алімпійскіх спаборніцтваў у Рыа-дэ-Жанейра.
Некаторым журналістам і карыстальнікам сацсетак пасля прагляду відэазапісу выступу Агіты падалося, што яго палавы орган прыйшоў ва ўзбуджаны стан падчас скачку і перашкодзіў яму чыста выканаць практыкаванне.
Агіта заявіў, што не чакаў ад замежных СМІ такіх зневажальных каментароў у свой адрас.
«Адна справа, калі б гэта было праўдай, але я павінен сказаць, што здзіўлены тым, як далёка яны зайшлі, пачаўшы кпіць і здзекавацца з мяне», — заявіў 28-гадовы спартсмен.
Як патлумачыў Бі-бі-сі адзін з экспертаў па скачках з шастом, такое ўражанне магло паўстаць у журналістаў і гледачоў з-за няўдалага ракурсу здымак. На фотаздымках выступу Агіты відаць, як яго нага і рука кранаюцца планкі і збіваюць яе.
Пазней спартовец напісаў у сацсетках, што ўспрымае абмеркаванне свайго няўдалага скачка з гумарам. «Пераглядаючы (скачок) ізноў, я магу сказаць сабе, што было даволі смешна», — напісаў Агіта ў Твітары.
-
Украінская мадэль згуляла з грузінскім бізнэсменам вяселле ў Канах на 5 мільёнаў еўра. Вядучымі былі Яўген Перлін і Максім Галкін
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
Каментары