Мінгарвыканкам, які абвяшчаў тэндар на закупку планшэтаў для ўдзельнікаў Усебеларускага сходу, пакінуў без разгляду калектыўны зварот грамадзян з нагоды закупкі планшэтаў, бо ён «не адносіцца да кампэтэнцыі Мінгарвыканкама».
Пра гэта гаворыцца ў адказе, які атрымала лідар Хрысьціянска-дэмакратычнага руху, каардынатар БХД па Мінску Вольга Кавалькова.
А ў адказе з Камітэта дзяржкантролю (КДК) паведамляецца, што выдаткі на арганізацыю і правядзенне сходу, у тым ліку на пражыванне дэлегатаў і набыццё для іх сувенірнай прадукцыі рабілася «ў адпаведнасці з зацверджаным каштарысам», а «фактаў выкарыстання бюджэтных сродкаў з парушэннем бюджэтнага заканадаўства не праглядаецца».
У адказе з КДК таксама паведамляецца, што «пакупка планшэтаў і ўручэнне іх дэлегатам Усебеларускага народнага сходу з’яўлялася адным са спосабаў больш мабільнага і эфэктыўнага ўдзелу ў сходзе і выкарыстоўвалася ў якасці інфармацыйнага рэсурсу».
Паводле пункту 1.8 артыкула 22 Закону Рэспублікі Беларусь «Аб дзяржаўнай службе ў Рэспубліцы Беларусь» дзяржаўны служачы «не мае права прымаць маёмасць (падарункі) або атрымліваць іншую выгаду ў выглядзе паслугі ў сувязі з выкананнем службовых абавязкаў, за выключэннем сувеніраў, якія ўручаюцца пры правядзенні пратакольных і іншых афіцыйных мерапрыемстваў.
Атрыманыя імі пры правядзенні афіцыйных мерапрыемстваў сувеніры, кошт якіх перавышае пяць базавых велічынь, перадаюцца ў даход дзяржавы на рашэнне камісіі, што ствараецца кіраўніком дзяржаўнага органу, у якім дзяржаўны служачы займае дзяржаўную пасаду».
Кожнаму дэлегату — дзяржаўнаму служачаму быў падараваны сувенір у выглядзе планшэта Samsung Galaxy Tab 7.0, прыкладны кошт якога на дату правядзення мерапрыемства складаў 4,1 мільёна недэнамінаваных рублёў, што складае 19,5 базавых велічынь, перадае Радыё Свабода.
У продажы з’явіліся планшэты, якія падаравалі ўдзельнікам Усебеларускага сходу
Цяпер чытаюць
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую2
У Мінску кідаюць будаваць трэцюю лінію метро ў Зялёны Луг. Усе сілы пойдуць на чацвёртую, кальцавую
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары