У Маскоўскім раёне г Мінска шаснаццацігадовы хлопец разам са сваім паўналетнім прыяцелем напаў на родную цётку з мэтай завалодаць яе сумкай, у якой знаходзіліся грошы. Пра гэта паведамляе ГУУС Мінгарвыканкама.
Раней жанчына не мела блізкіх зносін з пляменнікам і яго сям'ёй, але як толькі даведалася, што хлопчык патрапіў у інтэрнат (сям'ю прызналі нешчаслівай), стала часцей з ім бачыцца і аказваць матэрыяльную падтрымку. Жанчына атрымлівала добрую пенсію па інваліднасці, а таксама перыядычна здымала грошы, атрыманыя за продаж кватэры, са свайго рахунку ў банку. Пляменнік ведаў, калі ў сваячкі маюцца буйныя сумы грошай, і спланаваў разам з сябрам напад. Яны вырвалі сумку ў пенсіянеркі, калі выйшлі на шпацыр, ім удалося атрымаць 800 тысяч беларускіх рублёў.
Хлопец, які спланаваў злачынства, ужо не ў першы раз мае праблемы з законам, а вось яго прыяцель са шчаснай сям'і і раней у міліцыю не трапляў.
Жанчына-інвалід на дадзены момант знаходзіцца пад наглядам медработнікаў, бо атрымала чэрапна-мазгавую траўму.
У дачыненні да хлопцаў распачатая крымінальная справа па ч.2 с. 206 («Рабаванне») КК РБ, за што яны могуць пазбавіцца волі на тэрмін да 8 гадоў.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу22
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ4242
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ42
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары