Франсуа Алянд перасцярог французскіх прафсаюзных лідараў ад спробаў сарваць забастоўкамі чэмпіянат Еўропы па футболе, які пачынаецца 10 чэрвеня і працягнецца месяц.
«Я звяртаюся да пачуцця адказнасці кожнага, бо калі дзяржава абавязана выканаць свой доўг і будзе гэта рабіць, яна будзе прымаць усе неабходныя меры», - заявіў Алянд. «Я буду пільна сачыць за тым, што адбываецца заўтра, і калі трэба будзе прыняць рашэнні, яны будуць прынятыя», - дадаў французскі прэзідэнт.
Францыя ахоплена забастоўкамі з-за прапанаванай урадам рэформы працоўнага заканадаўства, і існуюць асцярогі, што пратэсты работнікаў чыгункі могуць сарваць стартавы матч Еўра-2016 паміж зборнымі Францыі і Румыніі.
Машыністы пагражаюць заблакаваць лінію, якая вядзе да стадыёна «Стад дэ Франс» у парыжскім прыгарадзе Сен-Дэні.
Футбольных фанатаў, якія прыбывалі ў Францыю на гэтым тыдні, сустракалі кучы непрыбранага смецця, у той час як прафсаюзы блакавалі працу смецця заводаў.
У Францыі таксама захоўваецца высокая пагроза тэрарыстычнага нападу, прызнаюць улады краіны.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары