Размова адбылася па ініцыятыве ўкраінскага боку.
Аляксандр Лукашэнка і Віктар Юшчанка абмеркавалі актуальныя пытанні двухбаковых адносін.
Як паведамілі БЕЛТА у прэс‑службе прэзідэнта Беларусі, у размове асаблівую ўвагу кіраўнікі дзяржаў удзялілі праблемам развіцця супрацоўніцтва ў паліўна‑энергетычнай сферы. Бакі дамовіліся аднавіць энергетычны дыялог па важных для абедзвюх краін пытаннях, разгледзелі тэмы транзіту электраэнергіі праз беларускую тэрыторыю і альтэрнатыўных паставак нафты.
Размова таксама ішла аб праблематыцы шматбаковых адносін у кантэксце палітыкі добрасуседства. У прыватнасці, Аляксандр Лукашэнка і Віктар Юшчанка абмеркавалі адносіны Беларусі і Украіны з Польшчай, Літвой і іншымі краінамі рэгіёну Цэнтральнай і Усходняй Еўропы.
У ходзе размовы была дасягнута дамоўленасць аб сустрэчы кіраўнікоў дзяржаў дзвюх краін на працягу бліжэйшага месяца. У сувязі з гэтым бакі дамовіліся ў тыднёвы тэрмін выпрацаваць парадак дня беларуска‑ўкраінскай сустрэчы на вышэйшым узроўні.
Цяпер чытаюць
Анжаліка Мельнікава пасля знікнення набыла дзве кватэры ў Мінску90
Каментары