Іпэшніца з Гомеля, якая займалася рытуальнымі паслугамі, вырашыла выкарыстаць міліцыянтаў у якасці інфарматараў для пошуку патэнцыйных кліентаў.
У ГУУБ МУС Рэспублікі Беларусь паступіла інфармацыя аб тым, што прадпрымальніца актыўна шукае інфарматараў у міліцэйскай асяроддзі па прадастаўленні звестак пра факты смерці грамадзян. У гэты раз зрабіла стаўку на «маладых» супрацоўнікаў міліцыі.
За кожны званок іпэшніца абяцала па 600 тысяч рублёў. А каб засцерагчы канал перадачы інфармацыі - прапаноўвала SIM-карты, зарэгістраваныя на памерлых людзей.
«У мэтах нейтралізацыі пазначанай пагрозы ўласнай бяспекі органам унутраных спраў і ўзняцця іміджу міліцыі, шостым упраўленнем ГУУБ МУС прынятыя меры да затрымання прадпрымальніка і яе памагатага. Падчас спробы перадаць грошы супрацоўніку міліцыі затрыманы яе муж, пасля супрацоўнікамі УСК па Гомельскай вобласці яму прад'яўленае абвінавачванне за пасрэдніцтва ў хабарніцтве», - паведамляе прэс-служба Гомельскага УУС
Затрыманая і сама жанчына, у дачыненні да яе распачатая крымінальная справа за дачу хабару. Жанчыну змясцілі пад варту, ёй пагражае да 5 гадоў, яе мужу – да 4 гадоў пазбаўлення волі.
Раней на Гомельшчыне за падобныя ж дзеянні ў розны час ужо былі заведзены крымінальныя справы ў дачыненні да прадпрымальніка, супрацоўніка міліцыі і патолагаанатама.
Цяпер чытаюць
Ці магчымы другі Чарнобыль? І што цяпер робяць людзі на той АЭС? Навукоўка адказвае на важныя пытанні4
Каментары