«Советская Белоруссія»: Беларускую міліцыю дыскрэдытуюць лялькаводы з метадычкамі «каляровых рэвалюцый»
Газета Адміністрацыі прэзідэнта прысвяціла некалькі старонак суботняга выпуска абароне іміджу міліцыі.
«Нездаровая валтузня вакол міліцыянтаў працягваецца ўжо не адзін месяц. Прымітыўны кампрамат штампуецца спраўна. Правакацыі тыражуюцца. Прадстаўнікі пакалення «вау» і «упс» лёгка вядуцца на вуду. Усё вельмі проста: раззлаванымі нігілістамі (іх цяпер модна называць хейтэрамі (англ. Hate - «ненавідзець») крытыкуецца практычна любое дзеянне сілавікоў. Дробныя промахі, недапрацоўкі міліцыянтаў раздзімаюцца да маштабу жудасных злачынстваў, поспехі, наадварот нібыта не заўважаюцца», — сцвярджаецца ў «СБ».
Аўтары мяркуюць, што адбываецца дыскрэдытацыя міліцыі, і за гэтым стаяць лялькаводы з метадычкамі па правядзенні «каляровых рэвалюцый».
«Самаабвешчаныя правадыры, галовы якім прадзьмула вятрамі з Майдана, імаверна, спяць і бачаць, што далей на барыкады павінна пайсці пяхота — ад нэанацыстаў да «антыфа», ад гопнікаў да крымінальнікаў. … І менавіта ананімы з разраду «яны ж дзеці» павіскваюць пра «беззаконне сабак рэжыму» гучней за ўсіх. Ну і заадно размяшчаюць на сваіх акаўнтах натхняльныя на бой сімвалы — трызубы, шаўроны палка «Азоў», антыміліцэйскія мэсэджы. А шмат хто на фота «зігуюць», — піша рэдактар часопіса «Спецназ» Андрэй Дземянцеўскі.
«СБ» прыводзіць некалькі гісторый беларускіх міліцыянтаў, якія зрабілі больш, чым ад іх патрабавала службовая інструкцыя. Спевакі і спартсмены, у сваю чаргу, расказваюць, як ім дапамагла міліцыя.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары