Старшыня расійскай партыі «Парнас» Міхаіл Касьянаў і яго намеснік Уладзімір Кара-Мурза-малодшы падалі заяву ў ФСБ з просьбай распачаць крымінальную справу ў дачыненні да кіраўніка Чачні Рамзана Кадырава.
Адвакат палітыкаў Вадзім Прохараў заявіў, што ў сераду днём падасць аналагічную заяву ў Следчы камітэт Расіі.
«Мы патрабуем распачаць адносна Кадырава справу па трох артыкулах Крымінальнага кодэкса: 277 («Замах на жыццё дзяржаўнага або грамадскага дзеяча»), 280 і 282, гэта антыэкстрэмісцкія артыкулы кодэкса», — заявіў адвакат.
Прычынай звароту стала відэа, размешчанае ў панядзелак у інстаграме Кадырава. На ім — Касьянаў і Кара-Мурза, а на саму выяву накладзены фільтр з аптычным прыцэлам. «Касьянаў прыехаў у Страсбург за грашыма для расійскай апазіцыі. Хто не зразумеў, той зразумее», — гаворыцца ў подпісы да роліка.
«Інстаграм» выдаліў відэа за парушэнне правілаў сэрвісу.
Касьянаў, Кара-Мурза і іншыя палітыкі расцанілі гэта відэа як пагрозу забойства. Прэс-сакратар прэзідэнта Дзмітрый Пяскоў заявіў, што ў Крамлі не сочаць за інстаграмам Кадырава.
У апошнія некалькі тыдняў кіраўнік Чачні зрабіў шэраг даволі радыкальных заяў. У прыватнасці, ён назваў прадстаўнікоў расійскай несістэмнай апазіцыі ворагамі народа і заклікаў судзіць іх за «падрыўную дзейнасць».
Пазней Кадыраў заявіў, што апазіцыянеры маюць патрэбу ў псіхіятрычным лячэнні. Дзмітрый Пяскоў заклікаў не нагнятаць сітуацыю вакол заяў кіраўніка Чачні.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары