У панядзелак у Мінску абяцаюць да 7 см снегу, а Новы год будзе са снегам і марозам, кажуць сіноптыкі.
1.12.2014, фота Сяргея Зініна
З нядзелі, 27 снежня, надвор'е пачне паступова набываць зімовы характар, але да канца гэтага тыдня захаваецца цяпло.
Пра гэта паведаміў начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Дзмітрый Рабаў.
У пятніцу, 25 снежня, ноччу пераважна без ападкаў, днём на большай частцы тэрыторыі кароткачасовыя дажджы. Ноччу і раніцай у асобных раёнах туман. Днём месцамі па поўначы краіны ўзмацненне ветру парывамі да 15—18 м/с. Тэмпература паветра ноччу мінус 3 — плюс 2°С, днём плюс 2—7°С.
У Мінску ноччу без істотных ападкаў, днём кароткачасовы дождж. Тэмпература ноччу каля 0°С, днём плюс 3—5°С.
У суботу ноччу месцамі, днём на большай частцы тэрыторыі кароткачасовыя дажджы, па поўначы магчымы мокры снег. Ноччу і раніцай у асобных раёнах слабы туман і галалёд. Месцамі ўзмацненне ветру парывамі да 15—20 м/с. Тэмпература паветра ноччу мінус 1 — плюс 4°С, днём плюс 2—7°С, па паўднёвым захадзе да плюс 9°С.
У Мінску ноччу без істотных ападкаў, днём кароткачасовы дождж. Тэмпература ноччу 0 - плюс 2°С, днём плюс 3—5°С.
«Пераломным момантам у змене надвор'я стане нядзеля, пры гэтым чакаюцца складаныя ўмовы надвор'я», — адзначыў Рабаў.
На большай частцы тэрыторыі ападкі (мокры снег, дождж). У асобных раёнах моцныя ападкі. Месцамі галалёд, наліпанне мокрага снегу, на асобных участках дарог галалёдзіца. Тэмпература паветра на працягу сутак ад мінус 3°С па поўначы да плюс 7°С па поўдні.
У Мінску ў нядзелю ападкі (мокры снег, дождж), часам моцныя ападкі. Тэмпература на працягу сутак плюс 1—3°С.
Як паведаміў спецыяліст, у пачатку наступнага тыдня яшчэ больш пахаладае.
У панядзелак месцамі, пераважна па паўднёвай палове, кароткачасовыя ападкі з перавагай снегу, мокрага снегу. У асобных раёнах галалёд. На дарогах галалёдзіца. Тэмпература паветра на працягу сутак 0 — мінус 5°С, ноччу пры праясненнях да мінус 9°С, у паўднёва-заходніх раёнах ноччу і днём плюс 1—3°С.
«Бліжэй да Новага года запануе скандынаўскі антыцыклон, надвор'е здабудзе звычайны зімовы характар», — адзначыў Рабаў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары