28 сакавіка зь Менска ў Каракас адправіцца экспэдыцыя спэцназаўцаў, якая зьдзейсьніць узыходжаньне на найвышэйшую гару гэтай краіны ‑‑ пік Балівара. Са складу экспэдыцыі выкрасьлена імя вялікага сябры беларускай апазыцыі Дзьмітрыя Паўлічэнкі.
Дэвіз экспэдыцыі — «Спэцназы сяброўскіх краін у барацьбе зь міжнародным тэрорам». У складзе беларускай каманды, апроч вядомых і дасьведчаных альпіністаў, будуць таксама прадстаўнікі БФСТ «Дынама», унутраных войскаў МУС, КДБ, Cлужбы бясьпекі, cпэцыяльнага атраду хуткага рэагаваньня.
Павінен быў узьняцца на пік Балівара і вялікі сябра беларускай апазыцыі Дзьмітры Паўлічэнка. Прынамсі, ягонае прозьвішча было ў першапачатковым сьпісе, але потым зь нейкай прычыны Паўлічэнку выкрасьлілі. Магчыма, у найбліжэйшы час ён будзе больш патрэбны на радзіме.
Экспэдыцыя прымеркавана да 85‑годзьдзя «Дынама» і будзе доўжыцца 20 дзён. За гэты час беларусы правядуць некалькі трэніровак з вэнэсуэльскімі альпіністамі, а потым пачнуць узыходжаньне на пік Балівара, вышыня якога складае 5 007 мэтраў над узроўнем мора.
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве37
Каментары