Кіраўнік Сбербанка Расіі Герман Грэф чакае нестабільнага курсу рубля ў бліжэйшыя гады. Пра гэта ён заявіў на Усходнім эканамічным форуме ва Уладзівастоку.
«Што тычыцца рубля, то ён, таксама як і ўся макраэканамічная сітуацыя, будзе вельмі валацільны ўсе наступныя гады. Трэба да гэтага рыхтавацца. Якой будзе дынаміка рубля, я не бяруся прадказваць. На жаль, у нашай краіне шмат што залежыць ад цэнаў на сыравіну», — адзначыў ён.
На думку кіраўніка Сбербанка, цана нафта будзе трымацца на ўзроўні 50-60 даляраў за бараль маркі Brent.
Грэф адзначыў, што не бачыць падстаў для ўзнікнення панікі на валютным рынку, бо вялікіх аб'ёмаў канвертацыі валюты, па ягоных словах, не назіраецца.
Цяпер чытаюць
Як купіць кватэру ў Мінску, калі няма каму дапамагчы? Задаецца пытаннем беларус, які адкладае па $1000 у месяц і ўсё адно ў адчаі17
Каментары