Арыштаваных ва Украіне расіян Аляксандра Аляксандрава і Яўгена Ерафеева перавялі са шпіталя ў следчы ізалятар, паведаміла адвакат Ерафеева Аксана Сакалоўская.
«На гэты раз інфармацыя дакладная, іх сапраўды перавялі», — пацвердзіла яна.
Раней адвакат ўкраінскай лётчыцы Надзеі Саўчанка Марк Фейгін заявіў, што, паводле яго інфармацыі, спецслужбы Расіі і Украіны вядуць перамовы аб абмене Саўчанка на Ерафеева і Аляксандрава.
Фейгін нагадаў, што «паміж Расіяй і Украінай працягвае дзейнічаць пагадненне аб прававой дапамозе, паводле якога, пасля запыту Украіны, Саўчанка, пасля прызначэння ёй прысуду, пакарання любога, хоць 25 гадоў, хоць 1 год, могуць адправіць адбываць пакараньне ва Украіну».
Аднак адвакат Ерафеева заявіла агенцтву РІА «Новості», што абмену затрыманых расейцаў на каго-небудзь «не будзе».
Здагадка Фейгина стала не першым такім паведамленнем. Раней расійскія СМІ публікавалі аналагічную інфармацыю, аднак у Службе бяспекі Украіны (СБУ) яе абвяргалі.
Аляксандр Аляксандраў і Яўген Ерафееў былі затрыманыя на Данбасе 16 мая пасля баявога сутыкнення, у якім загінуў ўкраінскі ваенны. На допыце расіяне заяўлялі, што служаць у адным з падраздзяленняў расійскіх Узброеных сіл, а на тэрыторыі Украіны выконвалі разведзаданне.
У міністэрстве абароны Расіі заявілі, што Ерафееў і Аляксандраў звольніліся з ваеннай службы яшчэ ў снежні мінулага года.
У СБУ адзначаюць, што суд над расіянамі павінен адбыцца ў верасні.
-
МЗС Расіі прыгразіла адказам краінам Балтыі праз тое, што яны нібыта адкрылі паветраную прастору для ўкраінскіх дронаў
-
«Найвялікшая бясплатная рэклама ў гісторыі». Слоічак Nutella нечакана ўварваўся ў прамую трансляцыю палёту вакол Месяца
-
У Іране заклікалі студэнтаў і школьнікаў выходзіць у жывыя ланцугі вакол электрастанцый
Цяпер чытаюць
Рыта Дакота ўпершыню распавяла, за што беларускія сілавікі схапілі яе маці ў 2022 годзе8
Каментары