Аляксандр Лукашэнка падкрэсліў, што дзеці і старыя з'яўляюцца галоўным клопатам дзяржавы.
Аб гэтым беларускі лідар паведаміў сёння, наведваючы дом-інтэрнат для пенсіянераў і інвалідаў.
«Пад Новы год не толькі я, але і мае дзеці і сем'і дзяцей прыязджаем у дзіцячыя дамы, дамы-інтэрнаты, да пажылых людзей. І не толькі пад Новы год, у маім прэзідэнцкім жыцці гэта практыка, - адзначыў Аляксандр Лукашэнка. - Дзеці і старыя - гэта галоўны клопат дзяржавы».
Перад пажылымі людзьмі і інвалідамі, якія пражываюць у доме-інтэрнаце, з музычнай казкай «Цуды на Каляды» выступілі вучні Астрашыцка-Гарадоцкай агульнаадукацыйнай сярэдняй школы.
Кіраўнік дзяржавы падкрэсліў, што менавіта гэтым дзецям прыйшла ідэя выступіць са святочным спектаклем. «Я прыйшоў у школу, і дзеці паказалі нам гэты спектакль. Я сказаў: «Добра, давайце паедзем да маіх старых і пакажам ім, чаму вы навучыліся». Вось так нарадзілася гэта ідэя. Міністр (міністр працы і сацыяльнай абароны Беларусі Мар'яна Шчоткіна) гаворыць, што ў тутэйшых старых не ва ўсіх ёсць дзеці, унукі, дык вось цяпер у вас ёсць гэтыя дзеці і ўнукі, і яны будуць прыязджаць па вашай просьбе і ставіць на гэтай сцэне новыя спектаклі», - сказаў Аляксандр Лукашэнка.
Кіраўнік дзяржавы азнаёміўся з умовамі пражывання ў доме-інтэрнаце, наведаў сталовую і актавую залу. Ён падарыў пажылым людзям і інвалідам дома-інтэрната пасажырскі мікрааўтобус. У адказ беларускі лідар атрымаў у якасці навагодняга падарунка звязаныя пажылымі жанчынамі шапку, шаль, шкарпэткі і рукавіцы.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА13
Каментары