Расійскі пісталет «Стрыж», які разглядаўся ў якасці будучай асноўнай кароткарульнай зброі для арміі РФ, праваліў выпрабаванні ў Цэнтральным навукова-даследніцкім інстытуце дакладнага машынабудавання.
Пра гэта паведаміў дырэктар ЦНДІДМ Дзмітры Сямізораў агенцтву Інтэрфакс.
Па словах Сямізорава, «Стрыж» перастаў працаваць літаральна на першых этапах выпрабаванняў.
«Пісталет прадэманстраваў сваю неадпаведнасць у плане таго, каб быць прапанаваным нашым ваенным спажыўцам», — сказаў Сямізораў.
«Стрыж» быў распрацаваны сумеснай кампаніяй Arsenal Firearms, штаб-кватэра якой знаходзіцца ў РФ.
У чэрвені 2012 года віцэ-прэм'ер РФ Дзмітры Рагозін заявіў, што «Стрыж» будзе прыняты на ўзбраенне расійскай арміі і пераўзыходзіць па характарыстыках класічныя аўстрыйскія пісталеты Glock.
Дзмітры Рагозін лічыцца «ястрабам» сярод расійскіх палітыкаў і неаднароза выступаў з гучнымі заявамі пра хуткае з'яўленне ў Расіі найноўшых узбраенняў, якія потым аказваліся непраўдзівымі. Напрыклад, гэтак атрымалася сёлета з танкам «Армата».
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары