Зборнік турэмнай прозы будзе прэзентаваны ў суботу 18 кастрычніка на Будзёнага.
«Чарвяк» – зборнік турэмных аповедаў, напісаных Зміцерам Дашкевічам падчас адсідак з 2006 па 2013 гады. Аўтар «ад званка да званка» прайшоў шлях зэка — ад шчарбатых сценаў КПЗ (камэры папярэдняга зняволення) да аледзянелага зімовага карцару ў турме крытага тыпу. Дашкевіч апісвае рэаліі беларускай пенітэцыярнай сістэмы, а разам з тым і людзей, якія трапіліся яму на шляху.
«Тое, што напісаў Зміцер Дашкевіч у турме, — кажа пра кнігу Уладзімір Някляеў, — уражвае як жорсткай праўдай жыцця, гэтак і натуральнасцю, з якой аўтар у нечалавечых умовах у кожны момант застаецца чалавекам. У гэтай стрыманай прозе няма ніякай позы, ніякай спробы самагераізацыі – ёсць толькі праз асабісты досвед, праз пакуты займетае сцверджанне: калі жыве ў табе Дух, калі не пахіснулася вера, ты здольны ператрываць немагчымае і адолець неадольнае…»
Большасць тэкстаў была напісана ў горацкай і глыбоцкай калоніях цягам 2011-2013 гадоў, аповед «Чарвяк» быў скончаны ў гарадзенскай турме. Дашкевіч – адзін з лідараў «Маладога Фронту», з-за сваёй дзейнасці неаднаразова быў пераследаваны і трапляў за краты. Апошні раз быў зняволены за некалькі дзён да прэзідэнцкіх выбараў 2010 году, вызвалены ў жніўні 2013 году. Цяпер працуе цесляром у Мінску, гадуе дачку.
Прэзентацыя адбудзецца ў суботу 18 кастрычніка па адрасе Будзёнага 48Б (невялічкі дамок побач са стаянкай каля Будзёнага 48А), пачатак у 19.00.
Цяпер чытаюць
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары