Суд Парыжа зняў абвінавачванні з дзевяці актывістак руху Femen, якіх абвінавачвалі ў пашкоджанні звона сабора Парыжскай Божай Маці.
Пра гэта паведамляе Agence France-Presse. Пры гэтым да ўмоўнага штрафу на суму ад 250 да 500 еўра прысуджаныя тры ахоўнікі сабора — суддзя палічыў, што яны залішне жорстка абышліся з дзяўчатамі пры затрыманні.
Нагадаем, акцыя адбылася 12 лютага 2013 года, праз дзень пасля адрачэння ад пасады Папы Рымскага Бенедыкта XVI. Напаўаголеныя дзяўчыны ўвайшлі ў сабор, узлезлі на званіцу і пачалі стукаць па звоне драўлянымі палкамі з крыкамі «Не гамафобіі», «Папы больш няма» і «Бывай, Бенедыкт». На судзе актывісткі сцвярджалі, што палкі былі абкручаныя тканінай — каб незнарок не пашкодзіць звон. Пракурор патрабаваў пакарання ў выглядзе штрафу ў памеры паўтары тысячы еўра, але суддзя палічыў доказы недастатковымі.
Не атрымаўшы пакарання ў Парыжы, дзяўчаты «Femen» паспелі правесці разведку ў месцы размяшчэння новага ваеннага карабля «Mistral» на французскім узбярэжжы ў Брэтані.
«Улічваючы трагічныя падзеі ва Украіне ў выніку расійскага ўварвання, прэзідэнт Францыі Франсуа Аланд абвясціў аб прыпыненні паставак ваеннага карабля для Расіі. Аднак, нягледзячы на чалавечыя ахвяры і бесперапынныя ваенныя дзеянні на тэрыторыі Украіны, адмены пагаднення так і не было. Мы разумеем, што фінансавыя інтарэсы ЕС заўсёды будуць пераважаць над крывадушнай маральнасцю Еўропы, і мы будзем уважліва сачыць за развіццём справы, звязанай з продажам Mistral», — заявілі «феменки».
Цяпер чытаюць
Паступова выйшлі на волю арыштаваныя па «Справе кнігароў». Акрамя аднаго3
Каментары