Sud Paryža źniaŭ abvinavačvańni ź dzieviaci aktyvistak ruchu Femen, jakich abvinavačvali ŭ paškodžańni zvona sabora Paryžskaj Božaj Maci.
Pra heta paviedamlaje Agence France-Presse. Pry hetym da ŭmoŭnaha štrafu na sumu ad 250 da 500 jeŭra prysudžanyja try achoŭniki sabora — sudździa paličyŭ, što jany zališnie žorstka abyšlisia ź dziaŭčatami pry zatrymańni.
Nahadajem, akcyja adbyłasia 12 lutaha 2013 hoda, praź dzień paśla adračeńnia ad pasady Papy Rymskaha Bieniedykta XVI. Napaŭaholenyja dziaŭčyny ŭvajšli ŭ sabor, uźleźli na zvanicu i pačali stukać pa zvonie draŭlanymi pałkami z krykami «Nie hamafobii», «Papy bolš niama» i «Byvaj, Bieniedykt». Na sudzie aktyvistki śćviardžali, što pałki byli abkručanyja tkaninaj — kab nieznarok nie paškodzić zvon. Prakuror patrabavaŭ pakarańnia ŭ vyhladzie štrafu ŭ pamiery paŭtary tysiačy jeŭra, ale sudździa paličyŭ dokazy niedastatkovymi.
Nie atrymaŭšy pakarańnia ŭ Paryžy, dziaŭčaty «Femen» paśpieli pravieści raźviedku ŭ miescy raźmiaščeńnia novaha vajennaha karabla «Mistral» na francuzskim uźbiarežžy ŭ Bretani.
«Uličvajučy trahičnyja padziei va Ukrainie ŭ vyniku rasijskaha ŭvarvańnia, prezident Francyi Fransua Ałand abviaściŭ ab prypynieńni pastavak vajennaha karabla dla Rasii. Adnak, niahledziačy na čałaviečyja achviary i bieśpierapynnyja vajennyja dziejańni na terytoryi Ukrainy, admieny pahadnieńnia tak i nie było. My razumiejem, što finansavyja intaresy ES zaŭsiody buduć pieravažać nad kryvadušnaj maralnaściu Jeŭropy, i my budziem uvažliva sačyć za raźvićciom spravy, źviazanaj z prodažam Mistral», — zajavili «fiemienki».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary