Яўгена Сінілу праводзілі з пасады з кветкамі.
«У райвыканкаме правялі ператрус з удзелам спецназа. Мэра выводзілі ў кайданках», — прыйшло паведамленне ад чытача з Вілейкі некалькі тыдняў таму.
Акурат тады ў раён прызначылі новага кіраўніка — Віктара Ката. Але былы мэр Яўген Сініла неўзабаве з’явіўся на публіцы — здаровы і без кайданкоў.
Аказалася, арыштаваць не арыштавалі, а вось справу крымінальную завялі — за злоўжыванне ўладай і службовымі паўнамоцтвамі. Па інфармацыі Следчага камітэта, будаваў сабе дом за кошт дзяржавы. Мясцовыя арганізацыі перавозілі матэрыялы па вусным загадзе, а будаўнікі ў працоўны час «шабашылі» на мэравай фазэндзе — без афармлення дамоваў аб аплаце. Цяпер праводзіцца фінансава-эканамічная экспертыза, каб вызначыць суму шкоды.
Ужо вялося расследаванне, калі Яўген Сініла атрымаў ад кіраўніка Міншчыны Сямёна Шапіры грамату і грашовую прэмію. «Ён адзін са найстарэйшых работнікаў кіраўнічага корпуса, і сур’ёзных падстаў для таго, каб перапыніць з імі працоўную дзейнасць, не было», — заявіў Шапіра, назваўшы ініцыятарам сыходу з пасады самога Сінілу. Цяпер, у святле новых падзей, звальненне не здаецца выпадковым. Сініла, між іншым, узначальваў раён з чэрвеня 2001 года.
А з 1 лютага на працы няма дырэктара вілейскага вопытнага лясгаса Паўла Касяка — арыштаваны. «Крымінальная справа расследуецца па фактах крадзяжу шляхам злоўжывання службовымі паўнамоцтвамі ў буйным памеры. Накладзены арышт на маёмасць абвінавачванага. Прыменена мера стрымання — заключэнне пад варту», — пракаментавала прадстаўнік Следчага камітэта Юлія Ганчарова.
Што можа скрасці ляснік? Вядома ж, лес. Пра гэта гавораць і ў самой Вілейцы. Справа нібыта тычыцца дома ці некалькіх дамоў, якія будаваліся з мясцовага лесу. Павел Касяк — паважаны ў горадзе чалавек. Яго, дарэчы, назвалі «Чалавекам года Міншчыны — 2010». А цяпер можа адправіцца за краты ад 3 да 10 гадоў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары