Некалькі сотняў працаўнікоў чайнай плантацыі ў Індыі падпалілі бунгала свайго начальніка, спаліўшы яго разам з жонкай.
Раз'юшаныя работнікі атачылі бунгала на плантацыі ў правінцыі Асам у сераду позна ўвечары. Да гэтага амаль два тыдні доўжыўся канфлікт паміж работнікамі і кіраўніцтвам.
Паліцыя паведамляе, што працоўныя падпалілі бунгала пасля таго, як кіраўніцтва папрасіла некаторых з іх пакінуць свае дамы. Па дадзеных мясцовых уладаў, каля 700 работнікаў атачылі бунгала. Яны падпалілі таксама два аўтамабілі, якія належалі кіраўніцтву.
Паліцыя ўжо затрымала трох работнікаў. Загінуўшы валодаў некалькімі плантацыямі, і на некаторых з іх раней ужо ўспыхвалі канфлікты.
Аднойчы работнікі нават падпалілі чайную фабрыку.
Больш за палову індыйскай гарбаты паступае з каля 800 плантацый ў правінцыі Асам. У апошнія гады час ад часу ў правінцыі адбываюцца нападу раз'юшаных работнікаў на кіраўніцтва або на ўласнікаў плантацый.
Цяпер чытаюць
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?6
«Праца прапагандыстаў наўрад ці чысцейшая за нашу». Экс-палітвязні адкрылі ў Варшаве свой клінінг — як пайшло?
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1818
Каментары