Лукашэнка з'яўляецца прыхільнікам самага жорсткага пакарання за ўчыненне ДТЗ у п'яным выглядзе, паведаміў ён на сустрэчы са студэнтамі і выкладчыкамі БДУІР.
«Калі ты ў п’яным выглядзе сеў у аўтамабіль і забіў чалавека, а ты ж ведаў, што нельга ў п’яным выглядзе ехаць, ведаў, што піць нельга, калі ты за рулём, больш за тое — ты ж забіў чалавека, — у гэтым выпадку я самы заўзяты змагар таго, каб за гэта адказвалі на ўсю катушку», — сказаў ён.
«Я прыхільнік таго, каб у такіх выпадках аўтамабілі канфіскоўвалі, а кіроўцы адправілі гадоў на 15–25 у месцы не гэтак аддаленыя, — адзначыў Аляксандр Лукашэнка.— І я перакананы, што ў выніку гэтых мер цалкам зменіцца становішча».
У якасці прыкладу ён прывёў азіяцкія краіны, дзе існуе жорсткае пакаранне за такія злачынствы. Праўда, дадаў ён, для Беларусі такія правілы непрымальныя.
«Калі мы ўвядзем жорсткія правілы і жорсткую адказнасць, і пакаранне будзе няўхільна, тады будзе парадак», — упэўнены Лукашэнка.
«Давайце разам вызначымся, у бліжэйшы час мне унясуць прапановы, але я прыхільнік самага жорсткага пакарання за забойства пры кіраванні аўтамабілем п’яным. Якое?
У бліжэйшы час прымем рашэнне», — адзначыў Лукашэнка.
Цяпер чытаюць
«Яна была спартыўнай дзяўчынай». Што вядома пра загінулую пасажырку дэльтаплана, які ўпаў пад Мінскам1
Каментары