Pavodle źviestak Kamiteta dziaržkantrolu, samy vysoki siaredni bał — 44 — sioleta byŭ nabrany na centralizavanym testavańni pa suśvietnaj historyi.
Siaredni bał testavańnia pa ruskaj movie skłaŭ 43, pa biełaruskaj — 40. U cełym vyniki centralizavana testavańnia hetaha hoda padobnyja na vyniki testavańnia 2005 hoda. Tak, siaredni bał pa biełaruskaj movie taki ž, pa ruskaj movie ŭ 2005 hodzie jon byŭ taksama 40. Krychu vyšejšy siaredni bał pa matematycy: 28 — u 2005 hodzie, 30 — u 2007 hodzie; krychu nižejšy — pa fizicy: 29 i 23 adpaviedna. Pry hetym samy vysoki bał, što byŭ atrymany na testavańni pa fizicy, — 95.
Jak paviedamlaŭ BiełaPAN, u 2006 hodzie siaredni bał centralizavanaha testavańnia pa biełaruskaj movie skłaŭ 34, matematycy — 24, fizicy — 29, ruskaj movie — 30, suśvietnaj historyi — 41. U toj ža čas sioleta ŭpieršyniu try abituryjenty zdoleli nabrać 100 bałaŭ na testavańni pa biełaruskaj movie. U cełym padčas hetaha vyprabavańnia 9,5% abituryjentaŭ atrymali 75 i bolš bałaŭ. Vyšejšy bał nabrali dva čałavieki na testavańni pa ruskaj movie.
U cełym sioleta abituryjenty prajšli 511,2 tys. testaŭ. Nahadajem, letaś uvohule było zdadziena bolš za 430 tys. testaŭ. Ź liku zarehistravanych abituryjentaŭ nie źjavilisia na ispyty 8,7%. Za roznyja parušeńni padčas testavańnia z aŭdytoryj było vydalena 70 abituryjentaŭ (66 — letaś). Vyniki testavańnia asprečvaŭ tolki adzin abituryjent, pryčym zvarot byŭ vyrašany na jaho karyść.
4 lipienia na bazie Biełaruskaha dziaržaŭnaha univiersiteta — reziervovy dzień testavańnia. Udzieł u im biaruć 1,7 tys. abituryjentaŭ, jakija z‑za ŭvažlivaj pryčyny nie zmahli ŭziać udzieł u testavańni ŭ asnoŭny čas.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie4949
Kamientary