Biełaruś-Małdova – 4:0.
Na forumach u Internecie — ejfaryja. Adnak biełarusy ŭ apošnim rejtynh-liście FIFA zajmajuć 73-je miesca, Małdova — na 113-m.
Majsterstva zbornaj zaklučajecca va ŭmieńni brać ački z kamandami, roŭnymi pa sile. I lakmusavaj papierkaj dla biełarusaŭ stanuć mienavita matčy ŭ nastupnym hodzie sa Słavienijaj i Šatlandyjaj. Bo my deklaravali zrabić zbornuju «siaredniaj eŭrapiejskaj ruki».
Usie miačy zabili lehijanery. Adziny pradstaŭnik nacyjanalnaha pieršynstva — Leanid Koviel (mienskaje «Dynama») — źjaviŭsia na poli tolki pry kancy hulni, pry liku 3:0. U šerahi zbornaj navat nia byŭ vyklikany najlepšy na siońnia bambardzir čempijanatu Raman Vasiluk. Pavodle słoŭ trenera Bajdačnaha, nia tyja kandycyi. Voś jon, uzrovień biełaruskaha čempijanatu. Kolki razoŭ kazali pra nieabchodnaść skaračeńnia kolkaści kamandaŭ u vyšejšaj lizie, kab pavysić kankurencyju. Hałoŭny arhument spartovych čynoŭnikaŭ — nie zrazumiejuć nas zaŭziatary ŭ pravincyi.
Ułady vykarystali subotni matč, zrabiŭšy pierad referendumam niekalki pijaraŭskich chadoŭ. Heta i tannyja kvitki, kali najdaražejšy kaštavaŭ 9 tysiač, a dla studentaŭ ad adnoj tysiačy, i až da bolu ŭ zubach sardečnyja amapaŭcy, jakija prapuskali na trybunu navat uładalnikaŭ bieł-čyrvona-biełych šalikaŭ. Adzin z udzielnikaŭ forumaŭ iranizuje: «Pahladzim my na družalubnaść amapaŭcaŭ 18 kastryčnika: dubinka, kutuzka, štraf».
Poŭny varyjant artykułu čytajcie ŭ papiarovaj i pdf-versii "Našaj Nivy"
Aleh Rajaviec
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary