10 lipienia arbitražny sud AAN pryznaŭ pabudavanuju Izrailem antyterarystyčnuju abaronnuju aharodžu nieadpaviednaj mižnarodnamu pravu i tym samym u čarhovy raz zaśviedčyŭ kryvažernaść mižnarodnaje supolnaści ŭ pytańniach araba-izrailskaha kanfliktu.
Ideja ŭviadzieńnia zaharadžalnaje systemy na zachodnim bierazie raki Jardan dziela spynieńnia prasočvańnia arabskich terarystaŭ na izrailskuju terytoryju naležała kolišniemu premjeru Izrailu Ehudu Baraku i pačała realizoŭvacca ź inicyjatyvy ciapierašniaha kiraŭnika izrailskaha ŭradu Aryela Šarona. Zaplanavanaja daŭžynia abaronnaha zbudavańnia, abstalavanaha videakamerami i prapusknymi punktami, składaje 700 km, a kaštarys budoŭli roŭny $1,3 młrd. Niahledziačy na toje što aharodža pakul što pabudavanaja tolki na čverć zaplanavanaje daŭžyni, pazytyŭny efekt dla biaśpieki izrailskich hramadzian užo adčuvajecca: kolkaść achviar teraktaŭ siarod izrailcian u apošnija miesiacy radykalna źmienšyłasia. Chacia aharodža i ŭskładniaje žyćcio i pracu palestynskich arabaŭ, jaje značeńnie jak srodku abarony mirnych izrailcian ad niečałaviečych napadaŭ usio ž pieravažaje.
Ale ž vierniemsia da vyraku Haahskaha sudu. Arhumenty sudździaŭ na karyść nielehitymnaści budaŭnicva aharodžy pierakanaŭčymi nijak nie nazavieš. Najpierš sud spasyłajecca na zamacavanyja ŭ mižnarodnaj jurysprudencyi pravy asoby na pracu, adukacyju, zdaroŭje i hodnaje žyćcio, parušanyja aharodžaj. Nasamreč, prapusknyja punkty dy padzieł niekatorych učastkaŭ ziamli ŭskładniajuć žyćcio palestynskich arabaŭ. Ale ž AAN pryhadvaje ab pravach asoby na pracu, adukacyju, zdaroŭje i hodnaje žyćcio, tolki kali na łavie padsudnych — habrejskaja dziaržava. Zatoje nichto nie zvažaje na hienacyd suprać ułasnych narodaŭ, jaki adbyvajecca ŭ takich krainach — siabrach AAN, jak Rasieja i Paŭnočnaja Kareja.
Poŭny varyjant artykułu čytajcie ŭ papiarovaj i pdf-versii "Našaj Nivy"
Siaržuk Vinahradaŭ ,
Kamientary