Dobraachvotnaje testavańnie pa biełaruskaj movie, jakoje adbyłosia 8 traŭnia hetaha hodu, mieła vializnuju kolkaść niedachopaŭ, chacia nielha nie pryznać, što byli i peŭnyja vartaści: pry dapamozie testavańnia kožny mieŭ mahčymaść daterminova zdać ispyt navat u VNU ci prosta vyprabavać svaje zdolnaści.
Što da niedachopaŭ, tut usio bolš składana. Pa-pieršaje, testy raspracavany tak, što viedy, jakija patrabujucca navat dla dobraj zdačy ekzamenu, možna nabyć chiba tolki ŭ linhvistyčnych kaledžach ci himnazijach. Pa-druhoje, testavyja zadańni raspracavanyja niedakładna, a praściej kažučy, utrymlivajuć vializnuju kolkaść pamyłak, što zabirali čas, jakoha i tak było nia nadta šmat (110 chvilin na 40 zadańniaŭ). Pa-treciaje, vobłaść blanka adkazaŭ, pryznačanaja dla rehistracyi, była na rasiejskaj movie, što vyhladała b śmiešna, kali b nie było tak horka. Tyja pracaŭniki ŭstanoŭ, jakija raspaviadali, jak i što zapaŭniać u blanku adkazaŭ, razmaŭlali całkam na rasiejskaj movie. Heta stvarała vielmi drennuju atmasferu, jakaja pieraškadžała skancentravacca i dumać tolki pra test.
Mnie bolš za ŭsio nie spadabałasia navat nia toje, pra što ja kazaŭ vyšej, a toje, što, kali my zapaŭniali vobłaść rehistracyi ŭ blanku adkazaŭ, kod pradmietu testavańnia ŭ biełaruskaj movy byŭ druhim, a u rasiejskaj — pieršym.
Adnak ja nie mahu nie adznačyć, što płatnaje testavańnie pa biełaruskaj movie ŭ hetym hodzie vybrali 41129 čałaviek — suprać 37689 čałaviek, jakija abrali rasiejskuju movu.
Aleś Mazanik, udzielnik testavańnia
Kamientary