Apazycyja adnym rucham pierachapiła inicyjatyvu. Čarhovaja akcyja pačałasia ekspromtam, choć i vyjaviła typalahičnuju asablivaść nacyjanalnaje demakratyi časoŭ Lekašenki: demakratyja ŭ Biełarusi haładaje.
Deputaty BNF — Chadyka-Siŭčyk — Adamovič — vaŭkavyskija taksysty — deputaty z «Respubliki»... Z vykazvańniaŭ Skrabca ci Kołasa ŭ pieršy dzień haładoŭki vyhladaje, što jany sami nie ŭjaŭlali, što raspačynajuć.
Ale i ŭłada nie hatovaja była reahavać. Chaatyčnyja «najezdy» na haładoŭnikaŭ u BT, hadzinavyja spravazdačy Papova ŭ radyjo i Łukašenkava «sam raźbiarusia» — vyraznyja śviedčańni razhublenaści ŭładaŭ i adsutnaści adzinaj uzhodnienaj reakcyi.
Partyi akcyju deputataŭ padtrymali, nia stali havaryć pra falstart, pra nielehitymnaść pałaty. Adzin viadomy dziajač apazycyi, praŭda, vykazaŭ što da haładoŭki skiepsys. «Jon nie fihura, kab jaho słuchać», — abrezaŭ Uładzimier Parfianovič. Hruba, ale zrazumieła. Marhinalnyja fihury marhinalizujucca, inšyja nabirajuć vahi, choć i stračvajuć kilahramy.
Što takoje pośpiech haładoŭki? Heta ŭzdym temperatury hramadztva, uzdym intaresu da palityki napiaredadni važnych i doŭhaterminovych rašeńniaŭ. Najpierš — pra niekanstytucyjny treci termin Łukašenki i pra toje, jakim budzie novy parlament.
Haładavańnie prachodzić litaralna na vačach u ludziej. Usio, čaho siońnia patrabujuć deputaty ad svaich adnadumcaŭ — palitykaŭ, žurnalistaŭ, usich hramadzianaŭ, — heta kredytu davieru i, naturalna, padtrymki. Ad hetaha siońnia zaležyć scenar prynamsi piaci nastupnych hadoŭ našaha žyćcia.
Barys Tumar
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary