19 sakavika ŭ Miensku pachavali Vasiu Šuhaleja. Jahonaje cieła pryvieźli z Maskvy, dzie apošnija niekalki hod žyŭ hety muzykant. Jaho znajomyja kažuć, što Vasil byŭ zadušany ŭ sobskaj kvatery šnurom ad kamputara: sutyknuŭsia z kvaternymi zładziejami.
Postać Šuhaleja — adna z samych jarkich na mienskaj rok-scenie pačatku 90-ch. Jon byŭ adnym ź pieršych ajčynnych šoŭmenaŭ — jaho vystupy poŭnilisia performansami, pravakacyjami dy žartaŭlivaj paezijaj. Šuhalej i jahonaja hrupa «Y-Y-Y» była adkryćciom rok-festu «Try kolery'1990», poruč z «Mrojaj» dy «Bondaj». Mienavita Vasilu naležyć aŭtarstva vieršu, vielmi papularnaha ŭ moładzievych tusoŭkach 90-ch:
Ja bubu ciabie ŭ hubu.
Ty bubu mianie ŭ hubu.
Ja tak bolej nie mahu!
Ja chaču bubu ŭ bubu!
U Šuhaleja była proćma prajektaŭ, źviazanych nia tolki z muzykaj, ale i z hrafikaj. U Miensku ładzilisia jahonyja vystavy. Ale ŭ siaredzinie 90-ch Vasil zaviazaŭ z pank-muzykaj, źjechaŭ u Maskvu, pisaŭ teksty dla rasiejskich pop-zorak. Samaja viadomaja jaho pieśnia — «Vietier znajet» dla hrupy «Bravo». Mienavita jon adkryŭ rasiejskaj šoŭ-elicie «Lapisa Trubiackoha».
Siarhiej Budkin
Ciapier čytajuć
«Kibierpartyzanaŭ» krytykujuć za ŭzłom sajta Nacbiblijateki — bo ciapier nie pracuje katałoh. Tyja adkazali18
Kamientary