Ad śpioki pavietra ŭ haradach stała niebiaśpiečnym dla zdaroŭja
Specyjalisty rajać nie pravietryvać kvateraŭ, a taksama nie hulać u rajonie aŭtadaroh, kanałaŭ i vadaschoviščaŭ.
Śpiecyjalisty rajać nie pravietryvać kvatery, a taksama nie hulać u rajonie aŭtadaroh, kanałaŭ i vadaschoviščaŭ.
Śpioka, jakaja nazirajecca ŭ našaj krainie apošnija dva tydni pryviała da pavyšeńnie ŭzroŭniu niebiaśpiečnych rečyvaŭ u haradskim pavietry. Heta tyčycca takich raspaŭsiudžanych hazaŭ, jak amijak, aksidy vuhlarodu, siery i azotu.
Darečy, ŭ Viciebsku i Homieli było zafiksavana pieravyšeńnie isnych normaŭ kolkaści farmaldehidu ŭ pavietry ŭ 23 razy. Na hety momant u Minsku adznačana pavyšeńnie normaŭ amijaku ŭ rajonie parku Čaluskincaŭ, a na płoščy Svabody — latučych arhaničnych spałučeńniaŭ.
Respublikanski centr radyjacyjnaha kantrolu navat «paprasiŭ» bujnyja biełaruskija pradpryjemstvy «źnizić aktyŭnaść» i pieraduchilić pavyšeńnie ŭzroŭnia zabrudžvańnia. Bahdana Kaziaruk, načalnik adździeła prahnazavańnia ŭzroŭniu zabrudžvańnia pavietra, spadziajecca, što źjava budzie nasić časovy charaktar.
Śpiecyjalist Respublikanskaha centra śćviardžaje, što hetyja rečyvy zaŭsiody prysutničajuć u pavietry, asabliva ŭ vialikich haradach. Pryčym pakutujuć zvyčajna ludzi z prablemnym zdaroŭjem:
«Bolš za ŭsio pakutujuć stałyja ludzi, taksama z chraničnymi zachvorvańniami i dzieci. Ale ŭsio zaležyć ad kolkaści niebiaśpiečnych rečyvaŭ u pavietry. Voś u hety pieryjad, kali ŭžo try tydni staić śpioka, pavysiŭsia ŭzrovień zaražeńnia pavietra dyjaksidam azota i farmaldehidam. Asabliva ŭ rajonie aŭtadaroh».
U Biełarusi pakul jašče nichto nie źviartaŭsia pa admysłovuju dapamohu ŭ suviazi z zabrudžanym pavietram. Kab paźbiehnuć navat mahčymaści peŭnaha dyskamfortu śpiecyjalisty rajać nie pravietryvać kvateru i nie znachodzicca ŭ miescach z zaviedama brudnym pavietram:
«Nie zafiksavany vypadki, kab chto‑niebudź skardziŭsia, što stała drenna, bo pavietra zabrudžana. Što treba rabić? Nieabchodna jak maha chutčej vyjści z hetaha miesca. Nie hulać u rajonie aŭtamahistralaŭ. Jašče zaraz jość śpiecyfičny pach u rajonie kanałaŭ i vadaschoviščaŭ — iduć pracesy hnijeńnia i raskładańnia. Treba paprostu kvateru mienš pravietryvać. Da taho ž, paviesić sietku na vokny i ŭvilhatniać jaje».
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca10
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary