Siarhiej BAŁACHONAŬ
Die modernen Sagen-4
Pomsta Dalnabojnika
Adzin naš dalnabojnik pierapyniŭ rejs, kab paśniedać u nievialičkaj darožnaj kaviarni. Jon akurat prystupiŭ da śniadanku, kali na stajanku zarulili try šykoŭnyja chutkasnyja matacyklety. Ichnyja haspadary — try dzieciuki ŭ skuranych kurtkach — sieli za stoł dalnabojnika. Jany sprabavali zaviazać ź im razmovu, ale šofer admoŭčvaŭsia. Tady rokiery ŭzialisia jaho davodzić: adzin prahłynuŭ jahonuju jaječniu, druhi zabraŭ bułačku, treci vypiŭ kavu. Dalnabojnik, adnak, nie paddavaŭsia na pravakacyi, zapłaciŭ haspadyni rachunak dy vyjšaŭ. Kali jon pajšoŭ, rokiery stali vychvalacca:
— Heta ž treba, taki scykun!
— Aha, — pramarmytała kielnerka, — i jeździć nia ŭmieje. Adjaždžaŭ, dyk pierajechaŭ try matacykły.
Saha šyraka viadomaja na Zachadzie. U joj vyjavilisia pieradsudy ludziej da peŭnych hrupovak moładzi (tut — rokieraŭ).
Fatalnaja sproba
Adzin dziadźka pačuŭ niejak u piŭnusie, što niepraciahłym elektryčnym razradam možna ŭźniać patencyju. Dumka pra heta nie davała spakoju, i jon kolki dzion razvažaŭ, ci varta pasprabavać i sabie. Nastupnym razam u piŭnicy, u kole siabroŭ i znajomcaŭ, dziadźka paviedamiŭ, što navažyŭsia-taki na sprobu i abiacaŭ padrabiazna raspavieści pra vyniki. Ładna vypiŭšy dla śmiełaści, jon vypraviŭsia dachaty. Bolej siabry jaho nia bačyli. Dva dni apaśla z hazety jany daviedalisia pra śmiarotny vypadak z pažyłym mužčynam, jaki vaziokaŭsia ź niaspraŭnaj nastolnaj lampaj.
Spradviečnaja mužčynskaja prablema ŭ hetaj madernaj sazie pieratvarajecca ŭ scenu z teatru absurdu.
Załataja rybka
U adnaje staroj kabiety, što žyła na samocie, była akvaryjumnaja załataja rybka, jakuju jana lubiła bolš za samuju siabie. Štodnia staraja hutaryła ź joju. Adyli adnojčy rybka zachvareła. Zakłapočanaja kabieta adniesła jaje da veterynara. Niašmat ciamiačy ŭ rybach, toj usio ž ź pieršaha pahladu zrazumieŭ, što «žyviole» ŭžo nie patrebna dapamohi. Adpraviŭšy kabietu, doktar pakinuŭ, adnak, rybku ŭ klinicy. Lačyć jon jaje nie źbiraŭsia i zmyŭ, paŭzdochłuju, va ŭnitaz. U zaalahičnaj kramie doktar prydbaŭ za dziesiać frankaŭ inšuju, ale nia mienš «załatuju» rybku. Zabirajučy jaje, staraja śviaciłasia ad ščaścia. Veterynar ža paprasiŭ za rabotu roŭna dziesiać frankaŭ.
Zanatavana ad francuskaha historyka. U Biełarusi padobnyja sahi nieviadomyja.
Analiz moču
Adzin vypusknik atrymaŭ pozvu prajści pryzyŭnuju kamisiju. Žadajučy lubym čynam uniknuć słužby ŭ vojsku, jon prydumaŭ adnu ideju. Jahonaja siabroŭka chvareła na cukrovy dyjabet. Uspadziavany, što hetaha dyjahnazu dla pryzyŭnoje kamisii budzie dastatkova, chłopiec zdaŭ na analiz moč svajoj siabroŭki. Praź niejki čas pryjšło paviedamleńnie, što, nie zvažajučy ani na cukrovy dyjabet, ani navat na vyjaŭlenuju ciažarnaść, jon musić u adznačany čas źjavicca ŭ vajenkamacie.
Historyki kažuć, što padobny siužet viadomy ŭ eŭrapiejskim haradzkim falklory ažno ź ICH st.
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary