Žychary minskaj Ściapianki pratestujuć suprać budaŭnictva internata dla hastarbajtaraŭ
Žychary Hieałahičnaj vulicy ŭ Minsku vystupajuć suprać budaŭnictva na joj internata dla hastarbajteraŭ. Čarhovy schod žycharoŭ adbyŭsia 27 listapada kala abjekta, jaki budujecca pa Hieałahičnaj vulicy, 54, u mikrarajonie Ściapianka.
U sustrečy taksama ŭdzielničali pradstaŭniki hramadzianskaj kampanii «Havary praŭdu!» Juryj Hančar i Taćciana Karatkievič.
Žychary zajaŭlajuć, što ŭčastak ziamli na Hieałahičnaj vulicy aficyjna vydzieleny dla budaŭnictva dvuchkvaternaha žyłoha doma, zarehistravanaha na troch niepaŭnaletnich dziaciej. «U realnaści ž rabočyja pry pačatku budaŭnictva hetaha doma raskazali žycharam, što budujuć internat dla zamiežnych rabočych», — skazała Karatkievič.
Pavodle jaje słoŭ, kab daviedacca, što ž
Na sustrečy žychary adznačali, što budaŭnictva internata jašče bolš abvostryć tyja prablemy, jakija jość u žycharoŭ Ściapianki.«Kali tut buduć žyć 60 čałaviek, to kamunikacyi prosta nie vytrymajuć. Tut dahetul niama liŭnievaj kanalizacyi, tut tolki siem hadoŭ tamu praviali haz. Tut staryja elektrasietki — navat hazavyja katły, jakija pastavili sabie ludzi, aŭtamatyčna adklučajucca
«My nie suprać taho, kab u hetym domie žyła siamja, niachaj vialikaja, niachaj 10 čałaviek.Nie suprać, kali hety budynak addaduć mnahadzietnym siemjam, dziciačamu domu. Niachaj naładziać tut luby sacyjalny abjekt. Ale hałoŭnaje, niachaj nam rastłumačać usio, i niachaj pa zakonie ŭsio budujuć, a nie nielehalny internat», — pradoŭžyła jana.
Taćciana Karatkievič paviedamiła, što zaprašali na sustreču deputata harsavieta pa hetaj akruzie Siarhieja Smolskaha, a taksama deputata pałaty pradstaŭnikoŭ Valeryja Baradzieniu, adnak jany na sustreču nie źjavilisia.
Tym nie mienš padčas sustrečy Smolski patelefanavaŭ Karatkievič, vysłuchaŭ jaje infarmacyju ab budaŭnictvie i zajaviŭ, što jon «nie ŭ kursie situacyi», adnak «na praciahu dvuch dzion aznajomicca ź joju». Smolskamu było prapanavana arhanizavać sustreču z žycharami Hieałahičnaj vulicy najbližejšym časam u aktavaj zale luboj bližejšaj škoły.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary