Doktar ź Vieniesueły Chase Markina zajaviŭ haziecie El Nuevo Herald, što Fidel Kastra pieranios krovaźlićcio ŭ mozh. Były lidar Kuby praktyčna nie ŭ stanie jeści i razmaŭlać, jon pierastaŭ paznavać ludziej.Pa słovach miedyka, u takim stanie 86-hadovy Kastra moža pražyć jašče niekalki tydniaŭ, ale naŭrad ci jon kali-niebudź źjavicca na publicy.
Adnačasova ŭ Tvitery było apublikavana mnostva paviedamleńniaŭ pra śmierć Kastra, zrešty, varta adznačyć, što takaja infarmacyja źjaŭlałasia nieadnarazova.
Jon śćviardžaje, što ludzi ź simptomami, jakija nazirajucca ŭ Kastra, jak praviła, pamirajuć ad prablem z dychańniem albo ad infiekcyi. Pavodle infarmacyi Markina, Kastra nie padłučany ni da aparata štučnaha dychańnia, ni da inšych miedycynskich pryboraŭ. Pa zdahadcy lekara, Kastra atrymlivaje ježu praz zond.Pa słovach Markina, eks-lidar Kuby nie atrymlivaje naležnaje lačeńnie, pakolki jaho arhanizm zanadta słaby.
Apošni raz Fidela Kastra bačyli na publicy ŭ sakaviku 2012 hoda, kali Kubu naviedaŭ papa Bieniedykt XVI.Z červienia jon pierastaŭ pisać tradycyjnuju hazietnuju kałonku. Akramia taho, jon nie pavinšavaŭ svajho siabra-sacyjalista Uha Čaviesa, jaki ŭ kastryčniku byŭ pieraabrany na pasadu prezidenta Vieniesueły.
Kali ŭ červieni Łukašenka naviedvaŭ Kubu, to ŚMI tyražavali tolki foty, jak aficyjny lidar Biełarusi sustrakajecca z Raulem Kastra.
Ciapier čytajuć
«Jana była spartyŭnaj dziaŭčynaj». Što viadoma pra zahinułuju pasažyrku deltapłana, jaki ŭpaŭ pad Minskam1
Kamientary