Pra heta paviedamiŭ na pres‑kanfierencyi hieneralny dyrektar AAT «Piŭzavod «Alivaryja» Mikałaj Dudko.
Staličnyja ŭłady nie majuć namieru ŭvodzić zabaronu na prodaž piva ŭ letnich kafe. Jak paviedamiŭ 19 krasavika na pres‑kanfierencyi ŭ Minsku hienieralny dyrektar AAT «Piŭzavod «Alivaryja» Mikałaj Dudko, pa hetym pytańni, pavodle jaho infarmacyi, «pryniata stanoŭčaje rašeńnie».
Nahadajem, na pačatku krasavika šerah ŚMI raspaŭsiudzili infarmacyju ab zabaronie ŭ stalicy prodažu piva ŭ letnich kafe i na vynasnych łatkach. Jany spasyłalisia na prapanovu staršyni Minharvykankama Michaiła Paŭłava, što prahučała 2 krasavika na apieratyŭnaj naradzie. Kiraŭnik staličnaj administracyi zajaviŭ, što vuličny handal u Minsku ŭžo pieraviali ŭ razrad cyvilizavanaha, toje ž samaje varta zrabić z handlem pivam. M.Paŭłaŭ nibyta prapanavaŭ nie davać dazvoł na prodaž hetaha napoju ŭ centry horada ŭ pałatkach, vuličnych kafe i na vynasnych łatkach.
Na dumku M.Dudko, «heta nie była adnaznačnaja zabarona, jak jaje ŭspryniała presa i hramadskaść, — było ŭźniata pytańnie, nakolki heta važna dla žycharoŭ horada i nakolki heta karysna i zručna». «Było pastaŭlena pytańnie ab tym, kab uzrovień absłuhoŭvańnia ŭ hetych punktach byŭ cyvilizavanym», — skazaŭ M.Dudko.
Jon taksama zaznačyŭ, što pradpryjemstvu ŭ nabližejšy čas budzie ciažka prahnazavać pavieličeńnie doli ŭ siehmiencie rynku, a taksama pavieličeńnie abjomaŭ prodažu «ŭ suviazi z pryniaćciem zakona ab rekłamie, što tyčycca, u pryvatnaści, abmiežavańniaŭ rekłamy piva», a taksama ŭ suviazi z razhladam parłamientam prapanoŭ «pa zabaronie prodažu piva praz drobnaroźničnuju sietku».
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary