Piša Natałka Babina.
Kali była ŭ Jehipcie, paznajomiłasia i pasiabravała z chłopcam. Muchamied Achmied zavuć.
Voś tut jahonaja staronka ŭ Tvaraknizie.
Źviarnuła ŭvahu na jaho, kali vielmi pavažliva vioŭ pad łakatok babulu, jakaja, u chustcy i nacyjanalnaj vopratcy, ledźvie pierastaŭlała nohi, ŭ restaran atela, dzie adpačyvali i my, i jahonaja siamja.
Simpatyčny chłopiec, vysoki, šyrakaplečy, tvar adkryty.
Hulaŭ u dziećmi maimi ŭ biljard. A svaich bratoŭ i siacior u jaho — 6, i za ŭsimi jon nahladaŭ. A ŭ jaho baćki — dźvie žonki. Och, jakimi vostrymi pohladami supravadžała jaho mačacha jeŭrapiejcaŭ! Brrr… A baćka, peŭny siabie, siadzieŭ pamiž žonak na viečarovych imprezach animataraŭ u ateli.
Majoj łamanaj anhlijskaj było dastatkova, kab havaryć ź im pra historyju Jehipta.
Jehipta, jaki ciapier amal uvieś — zaśmiečanaja pustelnia va ŭsich sensach hetaha słova.
«My pavinny pierabudavać naš Jehipiet! — pisaŭ jon mnie — Zaraz idu na schod našaj partyi!».
Pryjechać na viasielle majoj starejšaj dački jamu pieraškodziła jehipieckaja palicyja: udzielničaŭ u zakałotach na płoščy Tachryr. Pastanavili: vyjaznoj vizy nie davać!
Kantaktujem z Muchamiedam u Fejsbuku.
Jon byŭ siarod tych, chto abaraniaŭ amierykanskaje pasolstva ad napadaŭ ekstremistaŭ paśla źjaŭleńnia filmu «Cnatlivaść musulman». Razumiejecie, abaraniaŭ: adbivaŭsia. Navošta jon heta rabiŭ? Bo: «Madam Natałka, razumiejecie, my pavinny adbudavać novy Jehipiet!»
Piša mnie z nahody padziej u Siryi: «Ja bolš nie mahu ciarpieć śmiarciej dziaciej u Siryi. Ja nie mahu bolš ciarpieć hetaha hvałtu. Što Vy mnie paraicie?»
Što ž ja mahu paraić?! «Vy pavinny paraicca z kimści, chto maje mudraść i kaho Vy pavažajecie…»
Chalera, ci mnoha ludziej u Biełarusi nie mohuć bolš ciarpieć?
I voś jon dasyłaje mnie muzyku, jakaja jamu padabajecca i jakaja jamu dapamahaje: Maria Burmaka, Las Ketchup.
Voś i dumajcie, jak nieadnaznačna i jak usio pierapleciena ŭ hetym śviecie!
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2121
Kamientary