Vyłučeńnie kandydataŭ u členy savieta respubliki nacyjanalnaha schodu Biełarusi budzie prachodzić z 2 pa 31 žniŭnia ŭklučna, paviedamiŭ sakratar Centrvybarkama Mikałaj Łazavik.
Prava vyłučać kandydataŭ u členy vierchniaj pałaty parłamienta — pałaty terytaryjalnaha pradstaŭnictva — majuć prezidyumy rajonnych, haradskich (haradoŭ abłasnoha padparadkavańnia) savietaŭ deputataŭ i rajonnyja, haradskija vykanaŭčyja kamitety, prezidyum Minskaha haradskoha savieta deputataŭ i Minski haradski vykanaŭčy kamitet.
Na praktycy vybary členaŭ savieta respubliki prachodziać u Biełarusi na biezalternatyŭnaj asnovie.«Sprava ŭ tym, što sami vybary členaŭ vierchniaj pałaty parłamienta źjaŭlajucca nie ŭsienarodnymi, a ŭskosnymi. Za kandydataŭ hałasujuć deputaty savietaŭ bazavaha ŭzroŭniu. Tamu, napeŭna, i va ŭsiaho nasielnictva hetyja vybary nie vyklikajuć takoj cikavaści, jak vybary deputataŭ pałaty pradstaŭnikoŭ», — adznačyŭ Łazavik.
Vybary ŭ vierchniuju pałatu parłamienta projduć na pasiadžeńniach deputataŭ miascovych savietaŭ deputataŭ bazavaha ŭzroŭniu ŭ kožnaj vobłaści i deputataŭ Minskaha haradskoha savieta deputataŭ z 6 pa 25 vieraśnia. Vyniki vybaraŭ členaŭ savieta respubliki pavinny być ustanoŭleny Centrvybarkamam nie paźniej jak 5 kastryčnika ŭklučna. Ad kožnaj vobłaści i Minska buduć abrany pa vosiem členaŭ Savieta Respubliki, jašče vosiem sienataraŭ pryznačajucca Łukašenkam.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy39
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary