Učora, 25 sakavika, u Bierasci adbylisia mierapryjemstvy, prymierkavanyja da Dnia Voli — dnia abviaščeńnia niezaležnasci Biełaruskaj Narodnaj Respubliki.
Učora, 25 sakavika, u Bierasci adbylisia mierapryjemstvy, prymierkavanyja da Dnia Voli — dnia abviaščeńnia niezaležnasci Biełaruskaj narodnaj respubliki.
Upieršyniu za apošnija hady pradstaŭniki demakratyčnych sił Bieraścia supolna adznačali hetaje śviata. Pry tym, što značnaja kolkaść bieraściejskich aktyvistaŭ pajechała ŭ hety dzień na śviatkavańnie Dnia Voli ŭ Miensk, udzieł u śviatočnych mierapryjemstvach uziali ahułam kala 70‑ci čałaviek.
U 12‑00 u 3‑ch mikrarajonach horada (Centr, Kavalova, Uschod) aktyvisty demakratyčnych sił razdavali minikam vinšavanni z nahody Dnia voli ad imia Partyi BNF i infarmacyjny biuleteń Bieraściejskaj abłasnoj arhanizacyi BSDP «Hramada» «Razam z narodam».
Padčas razdačy kala CUMa byli zatrymanyja Staršynia Bieraściejskaj haradskoj arhanizacyi Partyi BNF Dzmitryj Šymanski, aktyvist hetaj partyi Juryj Žydovič i aktyvist BSDP «H» Anton Stasiuk. Zatrymanych dastavili ŭ Leninski RAUS, dzie, adpaviedna iłžyvym rapartam supracoŭnikaŭ milicyi, namiesnik načalnika adździeła ideałahičnaj raboty Bieraściejskaha harvykankama Dubina S.V. skłaŭ na ŭsich traich pratakoły ab administracyjnym pravaparušenni — raspaŭsiud drukavanaj pradukcyi biez vychodnych dadzienych.
U 14‑00 u mikrarajonie «Uschod‑6» pačaŭsia futbolny turnir, pryśviečany 89‑j hadavinie abviaščeńnia BNR. Udzieł u turniry brali kamandy Abjadnanaj hramadzianskaj partyi, BSDP»H», Partyi BNF, Partyi Kamunistaŭ Biełaruskaj. Pieramožcy turnira, kamanda BSDP «H», atrymali kaštoŭnyja pryzy i kubak. Adznačym, što turnir prachodziŭ pad pilnym nahladam supracoŭnikaŭ milicyi.
Skončyłasia śviatkavańnie Dnia Voli tradycyjnym ahulnym piknikom u lesie.
Kamientary