U Brytanii mietad začaćcia ad dźviuch žančyn i adnaho mužčyny pryznany etyčnym
Miedyki spadziajucca pazbavić płod ad hienietyčnych zachvorvańniaŭ.
Brytanskaja kamisija pa miedycynskaj etycy paličyła prymalnym sprečny mietad stvareńnia čałaviečych embryjonaŭ ad dźviuch žančyn i adnaho mužčyny.
Kamisija pryjšła da vysnovy, što mietad nie supiarečyć etycy pry ŭmovie, što siemji, jakija zachočuć im skarystacca, buduć hatovyja da hetaha maralna.
Z dapamohaj takoha «trajnoha» apładnieńnia miedyki spadziajucca pazbavić płod ad niekatorych spadčynnych hienietyčnych zachvorvańniaŭ.
U toj ža čas brytanski Kamitet pa bijaetycy ličyć, što, pierš čym pa hetaj mietodycy budzie narodžanaje pieršaje dzicia, patrebnyja dadatkovyja daśledavańni.
* * *
Novaja unikalnaja technałohija štučnaha začaćcia praduhledžvaje vydaleńnie zdarovaj častki malekuły DNK maci ź jaje jajcakletki, i nastupnaje ŭkaranieńnie atrymanaha hienietyčnaha materyjału ŭ jajcakletku žančyny-donara. Takim čynam, dla hetaj vielmi składanaj apieracyi patrebnyja dźvie žančyny i, pa mienšaj miery, adzin mužčyna.
Z etyčnaha punktu hledžańnia naradžeńnie «hibrydnych dziaciej» spałučana z mnostvam prablem, jak etyčnaha, tak i jurydyčnaha charaktaru. Tym nie mienš navukoŭcy ŭpeŭnienyja, što zroblena vielmi važnaje adkryćcio ŭ halinie raźvićcia čałaviectva.
Navukoŭcy raźličvajuć, na źjaŭleńnie pieršaha niemaŭlaci, jaki budzie pazbaŭleny spadčynnych chvarob, užo praz paru hadoŭ, to bok niemaŭla z patrojnaj DNK moža źjavicca na śviet užo da kanca 2013 hoda.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary