U «Biełdziaržcharčpramie» nie vyklučajuć praviadzieńnia narodnych IPO dla inšych pradpryjemstvaŭ, zajaviŭ napres-kanfierencyi 5 červienia ŭ stalicy staršynia kancerna Ivan Dančanka.
Pavodle jaho słoŭ, na bazie AAT «Minski zavod pienistych vin» (MZPV), jakoje z 2 maja pa 15 červienia realizuje piłotny prajekt pa piarvičnym raźmiaščeńni akcyj (narodnym IPO), była praviedziena narada na hetu temu z kiraŭnikami pradpryjemstvaŭ kancerna. «Usich vielmi zacikaviła mahčymaść pryciahnieńnia narodnych srodkaŭ i srodkaŭ jurydyčnych asob dla raźvićcia pradpryjemstvaŭ. Heta novaja krynica raźvićcia, jakaja pryciahvaje kiraŭnikoŭ
Vopyt MZPV — «vielmi cikavy», skazaŭ jon. «Až da taho, što pradpryjemstvy mohuć dapamahčy adno adnamu paŭdzielničać u akcyjaniernym kapitale, sabrać ahulnyja srodki dla raźvićcia pradpryjemstvaŭ», — zajaviŭ kiraŭnik kancerna.
Dančanka zaznačyŭ, što «pieršamu zaŭsiody niaprosta».Jak paviedamlałasia raniej, na 1 červienia pradadziena ŭsiaho pryblizna 5% ad zapłanavanaha abjomu raźmiaščeńnia. «My dabilisia taho, što adkryta vyjšli da naroda i inviestaraŭ, prapanavaŭšy akcyi adnaho z najlepšych pradpryjemstvaŭ», — miarkuje staršynia kancerna.
Jon «bačyć mocnuju zacikaŭlenaść» u raźmiaščeńni IPO kandytarskaj fabryki «Słodyč», zavoda «Lidacharčkancentraty», pradpryjemstvaŭ kandytarskaj, bulbapierapracoŭčaj i kansiervavaj halinaŭ. Pry hetym IPO dla
«Ludzi buduć vybirać, jakoje z pradpryjemstvaŭ zabiaśpiečyć bolš vysokuju dachodnaść na akcyi. My siońnia pavinny ŭličvać toj momant, što pakul dachodnaść pa depazitach vyšejšaja, čym pa akcyjach, jakaja składaje pad 40%. Viadoma, takoj dachodnaści my nie možam dasiahnuć, chacia zavod (MZPV. — BiełaPAN.) pracuje rentabielna — bolš jak 20%», — padkreśliŭ Dančanka.
Razam z tym jon nie vyklučyŭ, što ŭ Biełarusi, jak i ŭ raźvitych krainach, dachodnaść pa depazitach stanie 10–12%, i tady dachodnaść na akcyju budzie pieravyšać. «Tady budzie bolš vyhadna nabyvać akcyi pradpryjemstvaŭ. Siońnia ž ludzi aściarožničajuć, ale mnohija razumiejuć, što staŭka refinansavańnia pryjdzie da narmalnaha stanu», — skazaŭ kiraŭnik kancerna.
Kamientary