Śpisy damoŭ, što padlahajuć kapramontu, buduć publikavacca ŭ ŚMI da 1 lutaha
U Biełarusi śpisy žyłych damoŭ, jakija padlahajuć kapitalnamu ramontu, buduć zaćviardžacca i publikavacca ŭ ŚMI da 1 lutaha, paviedamiŭ u paniadziełak napres-kanfierencyi načalnik upraŭleńnia žyllovaj haspadarki Ministerstvažyllova-kamunalnaj haspadarki Biełarusi Edmund Hryškievič.
«Kab urehulavać praviadzieńnie kapitalnaha ramontu ŭ žyłym fondzie Biełarusi, u novaj redakcyi Žyllovaha kodeksa vyznačana nastupnaja norma: śpisy damoŭ, jakija padlahajuć kapramontu, pavinny być zaćvierdžany i apublikavany ŭ drukavanych i elektronnych ŚMI da 1 lutaha. Akramia taho, z ułaśnikami damoŭ buduć zaklučacca adpaviednyja damovy, dzie buduć raśpisany dziejańni arhanizacyj, jakija robiać kapramont, paradak ich ažyćciaŭleńnia, terminy zaviaršeńnia rabot i inšaje», — adznačyŭ pradstaŭnik ministerstva.
Asnoŭnaja meta ŭniasieńnia hetych norm, na dumku staršyni pastajannaj kamisii pałaty pradstaŭnikoŭ nacyjanalnaha schodu Biełarusi pa žyllovaj palitycy, budaŭnictvu, handlu i pryvatyzacyi Haliny Palanskaj, — palepšyć u krainie praces ažyćciaŭleńnia kapitalnaha ramontu žyllovaha fondu. «Normy, jakija ŭvajšli ŭ novuju redakcyju kodeksa, vyrazna rehłamientujuć terminy i hrafiki praviadzieńnia rabot. Vialikaj pieravahaj źjaŭlajecca takoje novaŭviadzieńnie, jak zaklučeńnie dahavoraŭ z ułaśnikami na praviadzieńnie rabot pa kapramontu. Heta asnova i harantyi dla hramadzian, bo kali ŭmovy dahavora nie vykonvajucca, možna źviarnucca ŭ sud i zapatrabavać naležnaha vykanańnia prapisanych u dahavory rabot», — padkreśliła deputat.
Kamientary