Biznes-płan joj dapamoh raspracavać jaje ž vykładčyk pa ekanomicy.
Studentka treciaha kursu Biełaruskaha instytutu pravaznaŭstva Ksienija Kuruś raspracavała prajekt adbudovy sietki moładzievych chostełaŭ pa usioj Biełarusi. I atrymała finansavańnie ŭ $50 tysiačaŭ na svoj pieršy chosteł u Miensku praz konkurs startapaŭ.
U studzieni 2012 hoda Ksienija Kuruś pryjšła na konkurs startapaŭ Startupweekend i raspaviała pra svaju ideju ekspertam i investaram.Dziaŭčynu nie spyniła, što mierapryjemstva było dla IT-prajektaŭ. Vynik — 12 traŭnia ŭ Miensku adkryvajecca vandroŭny chosteł Traveler.
«Zachaciełasia stvaryć sapraŭdny eŭrapiejski chosteł, kab turysty, jakija nia mohuć dazvolić sabie hatel, mieli mahčymaść spynicca ŭ chostele, pryjemna bavić tam čas, adpačyć, paznajomicca, zajści ŭ internet… uvohule, kab skłałasia dobraje ŭražańnie», — kaža Ksienija.
Studentka kaža, što biznes-plan joj dapamoh raspracavać jaje ž vykładčyk pa ekanomicy, a hrošy na jaho dziaŭčyna šukała ŭžo ceły hod.
«Za moj prajekt prahałasavali [na konkursie startapaŭ], i ŭžo na nastupny dzień ja razmaŭlała ź investaram Alaksandram Knyrovičam, pakazała jamu biznes-plan». Hety ž investar u vyniku prapanavaŭ studentcy $50 tysiačaŭ na adkryćcio pieršaha chostełu na 40 čałaviek u Miensku.
«My pastaralisia zrabić usio mahčymaje, kab zabiaśpiečyć maksymalna kamfortnyja ŭmovy pražyvańnia, prydumali šmat roznych «fišak».U nas pastajanna buduć prachodzić roznyja mierapryjemstvy. Naprykład, viečarynki z hlintvejnam, kinapakazy pad adkrytym niebam.
Klijenty zmohuć karystacca Wi-Fi i biaspłatnymi netbukami,hulniavymi prystaŭkami X-Box, budzie pa 2 vannyja pakoi na paviersie».
Sutki pražyvańnia ŭ chostele buduć kaštavać $15.Dla spartyŭnych kamandaŭ abo vialikich turystyčnych hrup, a taksama dla ŭładalnikaŭ mižnarodnych kartak ISIC buduć źnižki.
Traveler — nia pieršy chosteł u Miensku. Siarod inšych prajektaŭ isnuje navat plan adbudovy chostełu BRSM u stalicy.
Startapam ad anhlijskaha słova startup nazyvajuć novy biznes, jaki šukaje navatarskuju ideju.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary