«Chartyja» vykryła čarhovy trajan śpiecsłužbaŭ

U krasaviku ŭ rasparadžeńnie charter97.org trapiŭ čarhovy trajaniec śpiecsłužbaŭ, analiz jakoha dazvoliŭ vyjavić i niejtralizavać botniet, jaki źbiraŭ dadzienyja z zaražanych kampjutaraŭ, śćviardžaje Chartyja.

Nahadajem, u pačatku studzienia 2012-ha admysłoŭcam udałosia abiasškodzić i praanalizavać anałahičnuju sietku zaražanych kampjutaraŭ biełaruskich palitykaŭ, žurnalistaŭ i hramadskich dziejačaŭ.

Hetym razam trajanskuju prahramu dasłali praz Skype ad nieviadomaha karystalnika žurnalistcy rasiejskaj «Novaj haziety», žoncy kandydata ŭ prezidenty na vybarach 2010 hoda Andreja Sańnikava Irynie Chalip. Fajł z pašyreńniem. Scr vonkava vyhladaŭ jak malunak i ŭtrymlivaŭ fota nibyta dakumienta ź pieralikam pytańniaŭ dla abmierkavańnia na terminovaj naradzie ŭ Łukašenki pa pytańni Sańnikava, a taksama cieła trajanca, jaki niezaŭvažna dla karystalnika ŭstaloŭvaŭsia ŭ sistemu (roznyja viersii Windows).

Analiz prahramy dazvoliŭ identyfikavać jaje jak univiersalny modulny bot andromeda.

Klijenckaja častka prahramy znachodzicca na kampjutary achviary i źbiraje dadzienyja ŭ zaležnaści ad taho, jakaja ŭbudova vykarystoŭvajecca, a panel kiravańnia i archiŭ łohaŭ raźmiaščajucca na servery ŭ Internecie. Admysłoŭcam charter97.org udałosia atrymać dostup da łohaŭ i vyśvietlić, chto staŭ achviaraj zaražeńnia i «špijanažu».

Botnet stvorany ŭ kancy studzienia 2012 hoda.

Śpis achviaraŭ nie pakidaje sumnieńniaŭ u tym, chto mienavita kiruje botnetam.

Ataka akazałasia paśpiachovaj u dačynieńni da 15 kampjutaraŭ, bolšaść uładalnikaŭ jakich — biełaruskija palityčnyja i hramadskija aktyvisty:

— Volha Kazulina (dačka kandydata ŭ prezidenty na vybarach 2006 hoda i byłoha palitviaźnia Alaksandra Kazulina),

— ananimny supracoŭnik Daśledčaha centra IPM (imia, elektronnaha adrasa i skype ŭ łohach niama),

— Vasil Zadniaprany, staršynia łukašenkaŭskaj Respublikanskaj partyi pracy i spraviadlivaści,

— karystalnik kantaktaŭ [email protected], skype: ulkazora, [email protected],

— Ananimny supracoŭnik biełaruskaha ŚMI (u łohach pakazanyja tečki Outlook Express z rassyłkami ad Doma presy, BiełaPAN, BiełTA, pres-relizy S&P, ASE, Instytut PR, Biełprescentr, Amnistyja, Jeŭrasajuz),

— peŭnaja kyrhyzka Jułdyz Apyzakava (jyldyz0303-71@mail.ru),

— biełaruska Julija Cimafiejeva (skype: yukla2, [email protected], skype: yltimof, [email protected], [email protected], [email protected]),

— karystalnik Michele Petull

i jašče niekalki karystalnikaŭ, asoby i rod zaniatkaŭ jakich ŭstalavać nie ŭdałosia.

Ale samymi siensacyjnymi akazalisia łohi karystalnika «Alaksandr Lebiedzieŭ».

Zaklikajem usich, chto staŭ achviaraj trajanskaj prahramy, pieraŭstalavać apieracyjnuju sistemu na zaražanym kamputary i źmianić ź biaśpiečnaha miesca ŭsie paroli ad mesendžaraŭ, elektronnaj pošty, sacyjalnych sietak, anłajn-bankinhu i inšych akaŭntaŭ, jakimi mohuć skarystacca złamyśniki.

• 0
• 0
• 0
• 0
• 0
• 0
• 0
• 0