Heta dazvolić padletkam trymać rachunki ŭ bankach.
U Biełarusi ŭniesieny dapaŭnieńni i źmianieńni ŭ pieralik administracyjnych pracedur, što ažyćciaŭlajucca dziaržaŭnymi orhanami i inšymi arhanizacyjami pa zajavach hramadzian (pieralik zaćvierdžany ukazam ad 26 krasavika 2010 hoda № 200). Adpaviedny ŭkaz № 197 Alaksandr Łukašenka padpisaŭ 19 krasavika.
Ukazam źnižajecca ŭzrost hramadzianina Respubliki Biełaruś dla abaviazkovaha atrymańnia pašparta z 16 da 14 hadoŭ,što dazvolić niepaŭnaletnim, jakija dasiahnuli 14-hadovaha ŭzrostu, realizavać niekatoryja jurydyčnyja dziejańni (naprykład, unosić hrašovyja srodki ŭ banki i rasparadžacca imi).
Akramia taho, skasoŭvajecca šerah administracyjnych pracedur (naprykład, vydača dazvołu na nabyćcio radyjoelektronnych srodkaŭ, paśviedčańnia ab rehistracyi zaałahičnaj kalekcyi) i ŭvodziacca novyja administracyjnyja pracedury, nieabchodnyja dla realizacyi hramadzianami svaich pravoŭ, praduhledžanych inšymi zakanadaŭčymi aktami (naprykład, vydača daviedak, nieabchodnych dla dziaržaŭnaj rehistracyi sadovaha domika albo haraža, atrymanych pa spadčynie, paśviedčańnia ekśpierta pa palaŭničaj trafieja).
Ukaz ustupaje ŭ siłu praz try miesiacy paśla jaho aficyjnaha apublikavańnia.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie23
Kamientary