U Bundestahu adbylisia debaty pa śmiarotnym pakarańni ŭ Biełarusi.
Deputaty Bundestaha na svaim pasiadžeńni 22 sakavika ŭviečary adnahałosna asudzili śmiarotnaje pakarańnie Dźmitryja Kanavałava i Uładzisłava Kavalova, abvinavačanych u ździajśnieńni teraktu ŭ minskim mietro.
«Biełaruś jość častkaj Jeŭropy, a ŭ Jeŭropie niama miesca śmiarotnamu pakarańniu», — zajaviŭ kiraŭnik viedamstva kanclera Anhieły Mierkiel Ronald Pafała (CHDS).
Pafała taksama padtrymaŭ šmatlikija prapanovy jeŭrapiejskich palitykaŭ nakont pieranosu miesca praviadzieńnia čempijanatu śvietu — 2014 pa chakiei ź Biełarusi ŭ inšuju krainu i
vykazaŭ spadziavańnie, što hetaje rašeńnie budzie pryniataje.
Pazicyju Ronalda Pafały padzialaje deputat Bundestaha ad frakcyi «zialonych» Maryłuiza Biek.
Jana taksama raspaŭsiudziła zajavu adnosna Interpoła, adznačyŭšy, što heta arhanizacyja «kročyć «pad ruku z Łukašenkam».
Maryłuiza Biek prakamientavała frahmient intervju Łukašenki telekampanii Russia Today. Kali razmova zajšła pra śmiarotnaje pakarańnie Dźmitryja Kanavałava i Uładzisłava Kavalova, Łukašenka adznačyŭ, što rasstreły byli niepaźbiežnymi, pakarańnie spraviadlivym i spasłaŭsia na stanoŭčuju acenku rasśledavańnia spravy z boku Interpoła.
U hetaj suviazi deputat u svajoj zajavie dla presy stavić nastupnyja pytańni:
«Što pryviało Hienieralnaha sakratara Interpoła Ronalda Noŭbła 11 traŭnia 2011 hoda ŭ Minsk, u toj čas jak ES i Rada Jeŭropy spynili ŭsialakija kantakty na vyšejšym uzroŭni ź biełaruskim režymam?
Jak pryjšoŭ Interpoł da taho, kab pryniać biez dakładnaj pravierki pradstaŭlenyja biełaruskim KDB tak zvanyja „dokazy“, dobra ŭśviedamlajučy, što Rada Jeŭropy ŭžo ŭ 2004 hodzie ŭstanaviła, što ślady čatyroch źnikłych apanientaŭ režymu viaduć niepasredna ŭ centa režymu?
Jak atrymałasia, što ŭ studzieni 2012 hoda kiraŭnik MUS Biełarusi Anatol Kulašoŭ, niahledziačy na zabaronu na ŭjezd u krainy ES, byŭ zaprošany dla padpisańnia dahavoru ŭštab-kvateru Interpoła ŭ Lijonie?»
Padčas debataŭ u niamieckim parłamiencie, pryśviečanych śmiarotnamu pakarańniu ŭ Biełarusi, pradstaŭnik frakcyi levych Štefan Libich, u cełym asudžajučy rasstreły Kanavałava i Kavalova, adznačyŭ, što izalavacca ad Biełarusi nielha; «Nam treba praciahvać dyjałoh, i my nie možam admianić kantaktaŭ, navat u hety ciažki čas».
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary