U hod paŭnahodździa Basovišča abrany novy staršynia BAS

23 lutaha siabry Biełaruskaha abjadnańnia studentaŭ u Polščy (BAS) abrali novaha kiraŭnika arhanizacyi — Radeka Dambroŭskaha. Pra bližejšyja perspektyvy BAS i pra biahučuju padrychtoŭku da 18‑ha Basovišča Radek raspavioŭ Studenty.by

Radek Dambroŭski ŭ BASie užo 4‑y hod, navučajecca na 4‑ym kursie biełaruskaj filalohii Biełastockaha ŭniversyteta. Minułyja dva hady jon byŭ namieśnikam papiaredniaj staršyni BASu Iłony Karpiuk.

— Pa siaredniaj adukacyi ja elektryk, zaraz cikaŭlusia žurnalistykaj. Šmat što ŭ maim žyćci źmianiajecca, i mnie heta padabajecca — nie lublu adnastajnaści, — adznačaje Radek.

— Chaču pašyrać prastory dziejnaści BAS — nie pryncypova tolki ŭ studenckim asiarodku, chacia pakul heta hałoŭnaje. Naahuł kulturnicka‑hramadzkaja dziejnaść — heta adna z maich lubimych spravaŭ.

Pra budučuju dziejnaść BAS

— Pakul ciažka kazać pra kankretnyja źmieny, ja zaraz znajomlusia z svaimi novymi abaviazkami. Budu biezumoŭna praciahvać toje, što rabiłasia da hetaj pary, ale zadumy kaniešnie jość. Chiba što kazać pra ich pakul asabliva nia liču vartym, bo nia ŭsio moža być ździejśnienym.

— Bližejšyja plany — toje, čym dakładna budzie zajmacca BAS, — heta studenckija dni biełaruskaj kultury (3‑ch dnionnaje mierapryjemstva), VI tydzień humanitarnych navuk ŭ biełastockim ŭniversytecie (jak suarhanizatar), JUVENALIA 2007 (jak suarhanizatar), nu i zrešty Basovišča‑2007. Buduć jašče štohadovyja nia vielmi maštabnyja imprezy, kštałtu śviatkavańnia Dnia Voli 25‑sakavika.

Pra Basovišča‑2007

A kali pačniecca padrychtoŭka da Basovišča‑2007?

— Užo zaraz. Pieršaje, što treba zrabić, ahučyć konkurs. Ja dumaju heta zrabić 5 sakavika, pravieści pieramovy z partnerami ź Biełarusi, šukać finansy i składać prahramu.

A što ź finansami? Nia budzie spaźnieńniaŭ, jak u minułym hodzie?

— Ź ministerstvam nia budzie, ale samo ministerstva — heta 60%. Nie kažu što astatnija nia buduć prablemaj, ale ŭ minułyja hady znachodzili i ŭ hetym hodzie znojdziem. Prosta heta patrabuje času i pracy

A biełaruskija partnery? Jość užo?

— Dumaju amal jość, tolki treba pravieści kančatkovyja pieramovy i pryniać rašeńni.

Čakajucca kaardynalnyja źmieny pa partnerach?

— Nie, nia dumaju… chiba što admoviacca partnery. Peŭna ŭsio budzie padobna na minuły hod, Studenty.by + Tuzin Hitoŭ. Kaniešnie, jość zaduma parazmaŭlać z Supranovičam, jaki pačynaŭ ładzić adboračnyja tury, ale ci zmohuć hetyja kamandy pracavać razam, vyśviatlicca tolki paśla pieramovaŭ. Jakija, spadziajusia adbuducca ŭžo ŭ bližejšy tydzień.

A kali planuješ u Biełaruś na pieramovy?

— Ciažka skazać dakładna, ja chaču na nastupnym tydni, ale pakul nie mahu paabiacać.

Iłona niekali kazała, što na pryz na Basoviščy nabudzie paliva, kab jeździć u Biełaruś. A jak u ciabie z dajezdam?

— U mianie mašyna na hazie — heta tańniej čym benzin. Budu jeździć davoli časta.

• 0
• 0
• 0
• 0
• 0
• 0
• 0
• 0