Top-10 «rynačnikaŭ» i «dziaržaŭnikaŭ» u biełaruskaj uładzie
Chto ŭ ekanamičnaj uładzie vystupaje za reformy, a chto, naadvarot, sprabuje ich spynić?
Ekanamist Jarasłaŭ Ramančuk skłaŭ
«U kancy zimy 2012 hoda biełaruskija orhany ŭłady ŭsio bolš padobnyja na lebiedzia, raka i ščupaka.
Miakkija rynačniki (lebiedzi) chočuć paskareńnia libieralizacyi i rynkavych reformaŭ.Nie sistemnych i hłybokich, a choć by takich, jak u Rasii ci ŭ Polščy.
Prychilniki Dziaržpłana (ščupaki) nastojvajuć na zachavańni sacyjalizmu, ćviordaha dziaržrehulavańnia i daminacyi dziaržułasnaści.Jany dapuskajuć pryvatnuju ŭłasnaść, ale tak, kab jana nie kranała intaresy bujnoha dziaržaŭnaha biznesu i namienkłatury. Apartunisty (raki) adychodziać u roznyja baki ŭ zaležnaści ad nastroju vysokaha načalstva, a nie svaich kaštoŭnaściaŭ i pierakanańniaŭ. U vyniku my nazirajem stopar pracesaŭ refarmavańnia ekanomiki. Nivodny z bakoŭ nie maje pieravahi i adnaznačnaj padtrymki Alaksandra Łukašenki.
Sam Łukašenka pad ciskam kryzisnych źjaŭ u roznych situacyjach stanovicca to lebiedziem, to rakam, to ščupakom», —piša jon u svam błohu.
«Rynačniki»
Vystupajuć za cenavuju libieralizacyju, źnižeńnie inflacyi, uzmacnieńnie žorstkaści patrabavańniaŭ da finansavańnia dziaržprahram i dziaržpradpryjemstvaŭ, za pryvatyzacyju, stvareńnie spryjalnych umoŭ dla nacyjanalnaha małoha i siaredniaha biznesu, źnižeńnie padatkovaj i rehulatarnaj nahruzki, sanacyju i bankructva stratnych pradpryjemstvaŭ, spynieńnie kryžavanaha subsidavańnia, ustup u SHA, madernizacyju praz pryciahnieńnie pramych zamiežnych inviestycyj; za adekvatnuju istytucyjanalnuju padrychtoŭku da kankurencyi z rasijskim biznesam u ramkach AEP.
1. Mikałaj Snapkoŭ (ministr ekanomiki)
2. Siarhiej Rumas (namieśnik prem'
3. Andrej Charkaviec (ministr finansaŭ)
4. Siarhiej Dubkoŭ (namieśnik staršyni Nacbanka)
5. Dźmitryj Hołuchaŭ (namieśnik ministra ekanomiki)
6. Uładzimir Zinoŭski (staršynia Biełstata)
7. Mikałaj Łuzhin (pieršy namieśnik staršyni Nacbanka)
8. Anton Kudasaŭ (namieśnik ministra ekanomiki)
9. Uładzimir Makiej (kiraŭnik Administracyi prezidenta)
10. Anatol Tozik (namieśnik prem'
* * *
«Dziaržaŭniki» («interviencyjanisty)
Vystupajuć za zachavańnie ćviordaha cenavaha kantrolu, biezumoŭnaje pradastaŭleńnie lhotnych, u tym liku emisijnych kredytaŭ dla karparatyŭnych i siektaralnych «kropak rostu», śpisańnie daŭhoŭ dla ŭdzielnikaŭ dziaržprahram, zachavańnie dziaržułasnaści z pastupovaj pryvatyzacyjaj tolki stratnych dziaržstruktur, zachavańnie kryžavanaha subsidavańnia, datavańnia praź nizkija taryfy na ŽKH, haz i elektraenierhiju dziaržaŭnych pradpryjemstvaŭ; zachavańnie rehijanalnych handlovych barjeraŭ u imia realizacyi pryncypu «kuplajcie miascovaje».
1. Siarhiej Tkačoŭ (pamočnik prezidenta pa ekanamičnych pytańniach)
2. Anatol Rubinaŭ (staršynia Savieta Respubliki)
3. Michaił Rusy (ministr sielskaj haspadarki)
4. Dźmitryj Kaciarynič (ministr pramysłovaści)
5. Anatol Ničkasaŭ (ministr architektury i budaŭnictva)
6. Alaksandr Jakabson (staršynia KDK)
7. Valancin Čakanaŭ (ministr handlu)
8. Uładzimir Pałujan (ministr pa padatkach i zborach)
9. Alaksandr Papkoŭ (namieśnik kiraŭnika Administracyi prezidenta)
10. Aleh Pralaskoŭski (ministr infarmacyi)
* * *
Narešcie, treciuju hrupu składajuć«fluhiery-apartunisty» , jakija dziejničajuć tolki pa zahadzie źvierchu. Siarod ich Ramančuk nazyvaje, u pryvatnaści, prem'jer-ministra Michaiła Miaśnikoviča, namieśnika kiraŭnika Administracyi prezidenta Andreja Tura, a taksama staršyniu Nacbanka Nadzieju Jermakovu.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5555
Kamientary