Piersanalnaja vystava kalihrafii pierakładčyka, vykładčyka kitajskaj movy Li Czo adkryjecca 3 lutaha ŭ halerei «Mabilnaja» Nacyjanalnaj biblijateki Biełarusi.
Ekspazicyju składuć bolš jak 60 kalihrafičnych tvoraŭ z aryhinalnymi aŭtarskimi tekstami (kitajskimi vieršami) — nievialikimi pa pamieru, ale bahatymi pa źmiestu. Vieršy ŭjaŭlajuć saboj ryfmavanyja parnyja nadpisy, stvoranyja zhodna sa staražytnaj tradycyjaj.
Li Czo pracuje vykładčykam kitajskaj movy na fakultecie mižnarodnych adnosin Biełaruskaha dziaržaŭnaha ŭniviersiteta. Jon ź dziacinstva cikaviŭsia kalihrafijaj. Na ŭsiekitajskich konkursach tvory hetaha aŭtara dvojčy adznačany załatymi ŭznaharodami, trojčy — siarebranymi.
Kitajskaja kalihrafija naličvaje piacitysiačahadovuju historyju, pieršyja nadpisy rabilisia na pancyrach i kaściach žyvioł. Ciapier jana raźvivajecca jak mastactva i paraŭnalnaja z žyvapisam, pakolki zdolnaja emacyjanalna ŭździejničać na čałavieka bahaćciem form i raznastajnaściu stylaŭ. Jak abstraktnaje mastactva jana padobnaja na muzyku, pakolki moža pieradavać ułaścivyja joj rytm i harmoniju. Adnak u kalihrafii jość i praktyčny aśpiekt — zapis hrafičnych znakaŭ, jakija składajuć kitajskaje piśmienstva.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach26
Kamientary