Prahramu «Adzinstva dziela pieramohi» prapanuje partnioram pa abjadnanych demakratyčnych siłach staršynia centralnaha arhkamitetu BSDP (NH) Mikałaj Statkievič
Prahramu «Adzinstva dziela pieramohi» prapanuje partnioram pa abjadnanych demakratyčnych siłach staršynia centralnaha arhkamitetu BSDP (NH) Mikałaj Statkievič, jaki adbyvaje zaraz pakarańnie ŭ vioscy Błoń za arhanizacyju akcyjaŭ pratestu suprać falsyfikacyjaŭ vynikaŭ refierendumu i parlamenckich vybaraŭ u 2004h.
Sutnaść hetych prapanovaŭ nastupnaja:
Zachavać za A.Milinkievičam pasadu staršyni Palityčnaj rady ADS da nastupnaha, 7‑ha Kanhresa ADS;
Nadać staršyni Palityčnaj rady ADS dadatkovyja paŭnamoctvy, nieabchodnyja dla paśpiachovaha vykanańnia jaho funkcyj;
Pryznačyć nastupny, 7‑my Kanhres ADS na travień 2008h. z nastupnym paradkam dnia:
a). spravazdača Palityčnaj rady ADS i jaje staršyni;
b). zaćviardžeńnie stratehii i taktyki ADS na parłamienckich vybarach 2008h.;
v). zaćviardžeńnie płatformy i ahulnaha śpisu kandydataŭ ad ADS na parłamienckich vybarach 2008h.;
h). vybary delehataŭ Kanhresa ADS pravieści na ahulnych schodach pa parłamienckich akruhach z adnačasovym abrańniem adzinaha kandydata ŭ deputaty ad ADS pa dadzienaj akruzie.
M.Statkievič ličyć, što treba pazbavić uładu mahčymaści rehistravać słabiejšych z demakratyčnych kandydataŭ, i vyłučyć tolki pa adnamu demakratyčnamu kandydatu ŭ kožnaj akruzie. Abjadnanyja demakratyčnyja siły pavinny buduć zajavić, što ŭ vypadku nierehistracyi hetaha kandydata ŭ dadzienaj akruzie budzie pravodzicca łakalnaja kampanija bajkotu pad łozunham baraćby za paŭtornyja vybary. Na parłamienckich vybarach 2000 h. bajkot akazaŭsia paśpiachovym tolki tam, dzie nie byli zarehistravanyja kandydaty ad Narodnaj Hramady i dzie jon pravodziŭsia pad łozunham «Za paŭtornyja vybary». U 4‑ch haradach (Baranavičy, Barysaŭ, Brest, Viciebsk), dzie nie byli zarehistravanyja sacyjał‑demakratyčnyja kandydaty, vybary byli sarvanyja.
Prapanovy Mikałaja Statkieviča da Abjadnanych demakratyčnych sił buduć razhledžanyja na pasiadžeńni kaardynacyjnaha kamiteta palityčnych arhanizacyj‑udzielnic «Jeŭrapiejskaj kaalicyi» u sieradu, 21 lutaha 2007h.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary