Marcin Skarseze — «Zachavalnik času»
Amal kazačnaja historyja pra chłopčyka, jaki žyvie ŭ hadzińniku.
ZŠA, 2011, kalarovy, 126 chv, 3D
Režysior: Marcin Skarseze
Roli vykonvajuć: Asa Baterfiłd, Chłoja Morec, Bien Kinhśli, Džud Łoŭ, Saša Baron Koen, Krystafer Li, Chielen MakHrory
Žanr: Mieładrama dla ŭsioj siamji z elemientami kinamanskich fantazij
Adznaka: 4,5 (z 10)
U 30-yja hady maleńki Chjuha žyvie na vakzale j dahladaje hadzińniki pa zahadzie dziadźki-pjanicy. Chjuha prahnie adramantavać robata, jakoha adšukaŭ jahony baćka pierad trahičnaj śmierciu.
Kab zdabyć detali chłopčyk abkradaje staroha handlara cackami, u jakoha niejkija tajamnicy.Tajamnicy ździviać hieroja.
U abjomnaj karcinie Marcina Skarseze — nievierahodnyja hadzińnikavyja miechanizmy, śniažynki, što laciać u tvar, ciahniki — jakija imčacca na publiku. Hustoŭna padabranyja akciory na epizadyčnyja roli razyhryvajuć amal kazačnuju navahodniuju historyju: dobry baćka Džud Łoŭ vučyć syna, trahikamičny vajaka z žaleznaj nahoj — u niečakanym vykanańni Sašy Barona Koena — pieraśleduje chłopčyka, stary biblijatekar (90-hadovy Krystafer Li) zahadkava ŭśmichajecca. (Na tle majstroŭ hałoŭny hieroj vyhladaje ledźvie nie miechaničnaju lalkaj).
Ale samyja vialikija zahadki stužki źviazanyja z historyjaj kino.Handlar cacak nichto inšy, jak mah admysłovych efiektaŭ Žorž Mialjes, jaki, sapraŭdy, handlavaŭ na vakzale. Cukierna-pradkazalnyja (i nie vielmi cikavyja) pryhody maleńkaha chłopčyka prychilna prymaje publika, ale ździŭleńnie vyklikajuć uryŭki starych karcinaŭ, zroblenyja abjomnymi.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram23
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary