U Hrodnie hipiermarkiet «Jeŭraopt» začynili praz tydzień paśla adkryćcia
Pierad adkryćciom u im niedastatkova jakasna prybrali pamiaškańni.
Hipiermarkiet «Jeŭraopt», jaki napiaredadni novaha hodu adčyniŭsia niepadalok ad hrodzienskaha čyhunačnaha vakzała, praz tydzień spyniŭ pracu, paviedamlaje «Tvoj styl».
Pa horadzie pajšli čutki pra pakupnikoŭ, jakija nibyta atrucilisia nabytymi ŭ novaj kramie praduktami.
Za kamientarom «Tvoj styl» źviarnuŭsia da hałoŭnaha ŭrača Hrodzienskaha zanalnaha centra hihijeny i epidemijałohii Zoi Vacłavaŭny Kulešy:
— Nijakich atručvańniaŭ nie było.
U hetaj novaj kramie pierad adkryćciom niedastatkova jakasna była praviedziena pryborka pamiaškańnia. Tamu było vyniesiena pradpisańnie ab likvidacyi parušeńniaŭ.
Krama była začyniena 6 studzienia. U dadzieny momant tudy vyjechaŭ naš śpiecyjalist. Kali niedachopy vypraŭleny — «Jeŭraopt» adnović pracu.
Hipiermarkiet sapraŭdy adčyniali ŭ śpiešcy. U apošnija hadziny viešali šyldu, niešta darablali.
Tyja, chto pryjšoŭ u pryznačany dla adkryćcia čas, ubačyli na dźviarach papierku z nadpisam ab tym, što adkryćcio adkładajecca pa techničnych pryčynach. Kali handal usio ž raspačaŭsia, pakupniki źviartali ŭvahu na napłastavańni budaŭničaha pyłu na padłozie.
Ciapier čytajuć
Anžalicy Mielnikavaj vydali pašpart prykryćcia na imia Anhieliny Radzivonavaj?5
Kamientary